डिचोली: गोमंतभूमीला कला आणि संस्कृतीची मोठी परंपरा आहे. आजच्या युवा पिढीने ही परंपरा अखंडितपणे पुढे नेण्याची जबाबदारी आपल्या खांद्यावर झेलण्यासाठी पुढे यावे. असे आवाहन डिचोलीचे आमदार तथा सभापती राजेश पाटणेकर यांनी केले आहे. डिचोली भाजयुमो आयोजित मुख्यमंत्री चषक अंतर्गत सांस्कृतिक (Cultural) स्पर्धाचे रविवारी उदघाटन केल्यानंतर सभापती पाटणेकर बोलत होते.
हिराबाई झाट्ये स्मृती सभागृहात आयोजित करण्यात आलेल्या या कार्यक्रमावेळी नगराध्यक्ष कुंदन फळारी, भाजप महिला मोर्चाची राज्य सरचिटणीस शिल्पा नाईक, डिचोली भाजप मंडळाचे अध्यक्ष विश्वास गावकर, युवा मोर्चाचे अध्यक्ष तथा नगरसेवक अनिकेत चणेकर आणि डॉ. शेखर साळकर उपस्थित होते.
आजचा युवावर्ग (Youth) सजग तेवढाच गुणसपन्न आहे. असे डॉ. शेखर साळकर यांनी यावेळी बोलताना सांगून, युवकांनी वाईट गोष्टीपासून दूर रहावे. असे आवाहन केले. मुख्यमंत्री डॉ. सावंत प्रत्येकवेळी कार्यकर्त्यांना स्फूर्ती देत असतात. ही भाजपसाठी ( BJP )शुभ गोष्ट आहे. असे कुंदन फळारी म्हणाले. विश्वास चोडणकर यांनीही आपले विचार मांडले.
अनिकेत चणेकर यांनी स्वागतपर भाषणात मुख्यमंत्री (CM) चषक अंतर्गत घेण्यात येणाऱ्या स्पर्धाची माहिती दिली. सूत्रसंचालन श्रद्धा धोंड यांनी केले. मकरंद परब यांनी आभार मानले.
उदघाटन सत्रानंतर समूह नृत्य, सोलो गायन आणि मेहंदी स्पर्धा घेण्यात आली. या स्पर्धानी महिलांनी उत्स्फूर्तपणे भाग घेतला होता.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
