ICC ODI Rankings मध्ये विराट कोहलीला झटका, हा पाकिस्तानी फलंदाज गेला पुढे

ICC ODI Rankings मध्ये विराट कोहली एकेकाळी अव्वल स्थानावर होता. विराट कोहली म्हणजे पहिला क्रमांक हे समीकरण बनलं होतं. परंतु आता हे समीकरण बदललं आहे. विराट कोहलीने खराब कामगिरी आणि कमी सामन्यांमुळे नंबर वनचा किताब गमावला आहे. आता तो नंबर दोनवर आहे. विशेष म्हणजे पाकिस्तानच्या आणखी एका फलंदाजाने दुसरे स्थान पटकावले आहे. (imam ul haq leapfrogs virat kohli into top two of icc odi rankings as batter)

दरम्यान, वनडे क्रमवारीत विराट कोहलीला (Virat Kohli) आणखी एक धक्का बसला असून तो आता तिसऱ्या क्रमांकावर घसरला आहे. पाकिस्तान संघाचा सलामीवीर इमाम-उल-हक आता आयसीसी वनडे क्रमवारीत दुसऱ्या क्रमांकावर पोहोचला आहे. दुसरीकडे मात्र, विराट कोहलीला दुसऱ्या स्थानावरुन तिसऱ्या क्रमांकावर पोहोचला आहे. पहिल्या क्रमांकावरही पाकिस्तानच्या फलंदाजांनी कब्जा केला आहे. बाबर आझम (Babar Azam) सध्या नंबर वन वनडे फलंदाज आहे.

दुसरीकडे, आयसीसी वनडे क्रमवारीत रोहित शर्मा (Rohit Sharma) चौथ्या, तर क्विंटन डी कॉक पाचव्या स्थानावर आहे. गोलंदाजीबद्दल बोलायचे झाल्यास, जसप्रीत बुमराह चौथ्या क्रमांकावरून पाचव्या स्थानावर पोहोचला आहे. त्याच वेळी, जोश हेझलवूडने दुस-या स्थानावर जाण्यासाठी एक स्थान मिळवले आहे. शाहीन आफ्रिदी चौथ्या क्रमांकावर पोहोचला आहे.