ICC ODI Cricket World Cup 2023 India vs New Zealand:
वनडे वर्ल्डकप 2023 स्पर्धेत भारत विरुद्ध न्यूझीलंड संघात उपांत्य फेरीचा पहिला सामना खेळला जाणार आहे. हा सामना बुधवारी (15 नोव्हेंबर) मुंबईच्या वानखेडे स्टेडियमवर खेळला जाणार आहे. या सामन्यात भारतीय संघाने नाणेफेक जिंकली असून प्रथम फलंदाजी करण्याचा निर्णय घेतला आहे.
या सामन्यासाठी दोन्ही संघांनी प्लेइंग इलेव्हनमध्ये बदल केलेला नाही. त्यामुळे दोन्ही संघांनी त्यांच्या अखेरच्या साखळी सामन्यात खेळवलेलेच 11 खेळाडू या सामन्यासाठीही कायम केले आहेत.
उपांत्य सामन्यात विजय मिळवणारा संघ अंतिम सामन्यात खेळणार आहे. त्यामुळे भारत आणि न्यूझीलंड हे दोन्ही अंतिम सामन्यात प्रवेश करण्यासाठी प्रयत्नशील असतील.
तसेच दरम्यान, वनडे वर्ल्डकपमध्ये सलग दुसऱ्यांदा भारत आणि न्यूझीलंड उपांत्य फेरीत आमने-सामने आले आहेत. यापूर्वी 2019 वर्ल्डकपमध्ये या दोन संघांमध्ये उपांत्य सामना झाला होता, ज्यात न्यूझीलंडने विजय मिळवला होता.
भारत - रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल (यष्टीरक्षक), सूर्यकुमार यादव, रवींद्र जडेजा, मोहम्मद शमी, जसप्रीत बुमराह, कुलदीप यादव, मोहम्मद सिराज
न्यूझीलंड - डेव्हॉन कॉनवे, रचिन रवींद्र, केन विलियम्सन (कर्णधार), डॅरिल मिशेल, मार्क चॅपमन, ग्लेन फिलिप्स, टॉम लॅथम (यष्टीरक्षक), मिचेल सँटेनर, टिम साउथी, लॉकी फर्ग्युसन, ट्रेंट बोल्ट
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.