ICC ODI Cricket World Cup 2023, India vs Afghanistan, Head to Head Record:
वनडे वर्ल्डकप 2023 स्पर्धेत बुधवारी भारत विरुद्ध अफगाणिस्तान संघात सामना रंगणार आहे. हा सामना दिल्लीतील अरुण जेटली क्रिकेट स्टेडियमवर खेळला जाणार आहे. या सामन्याला भारतीय प्रमाणवेळेनुसार दुपारी 2 वाजता सुरुवात होईल.
हा सामना भारत आणि अफगाणिस्तान या दोन्ही संघांसाठी यंदाच्या स्पर्धेतील दुसरा सामना आहे. पहिल्या सामन्यात भारताने ऑस्ट्रेलियाला पराभूत केले होते, तर अफगाणिस्तानला बांगलादेशकडून पराभवाचा धक्का बसला होता.
दरम्यान, भारत आणि अफगाणिस्तान यांची वनडे क्रिकेटमधील आमने-सामने आकडेवारी कशी आहे, याकडे एक नजर टाकू.
भारत आणि अफगाणिस्तान वनडे क्रिकेटमध्ये आत्तापर्यंत केवळ 3 वेळा आमने-सामने आले आहेत. यातील 2 सामने भारताने जिंकले आहेत, तर एक सामना बरोबरीत सुटला आहे. या तीन सामन्यांपैकी एक सामना 2019 वर्ल्डकपमध्ये 22 जून रोजी साऊथॅम्पटन येथे झाला होता. या रोमांचक सामन्यात भारताने 11 धावांनी विजय मिळवला होता, ज्यात मोहम्मद शमीने हॅट्रिक घेतली होती.
तसेच त्याआधी 5 मार्च 2014 मध्ये भारताचा अफगाणिस्तानविरुद्ध पहिला वनडे सामना झाला होता. या सामन्यात भारताने 8 विकेट्सने विजय मिळवला होता. तसेच 25 सप्टेंबर 2018 मध्ये आशिया चषकात भारत आणि अफगाणिस्तान संघात सामना झाला होता, जो बरोबरीत सुटला होता.
वनडे क्रिकेटमध्ये भारताकडून अफगाणिस्तानविरुद्ध केएल राहुलने सर्वाधिक 90 धावा केल्या आहेत, तर अफगाणिस्तानकडून भारताविरुद्ध सर्वाधिक 146 धावा मोहम्मद शेहजादने केल्या आहेत.
तसेच भारताकडून अफगाणिस्ताविरुद्ध रविंद्र जडेजाने सर्वाधिक 7 विकेट्स घेतल्या आहेत, तर अफगाणिस्तानकडून भारताविरुद्ध मोहम्मद नबीने सर्वाधिक 5 विकेट्स घेतल्या आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.