ICC Test Rankings मध्ये अश्विन-अय्यरची गगनभरारी, बांगलादेश मालिकेचा झाला फायदा

ICC Latest Test Rankings: रविचंद्रन अश्विन (R Ashwin) आणि श्रेयस अय्यर (Shreyas Iyer) यांनी आयसीसी कसोटी क्रमवारीत बरीच प्रगती केली आहे. या दोन्ही खेळाडूंनी ताज्या क्रमवारीत मोठी झेप घेतली आहे.
R Ashwin & Shreyas Iyer
R Ashwin & Shreyas IyerDainik Gomantak

R Ashwin And Shreyas Iyer ICC Latest Test Rankings: मीरपूर येथे बांगलादेश विरुद्धच्या दुसऱ्या कसोटी सामन्यात भारताच्या विजयाचे नायक ठरलेल्या रविचंद्रन अश्विन (R Ashwin) आणि श्रेयस अय्यर (Shreyas Iyer) यांनी आयसीसी कसोटी क्रमवारीत बरीच प्रगती केली आहे. या दोन्ही खेळाडूंनी ताज्या क्रमवारीत मोठी झेप घेतली आहे. रविचंद्रन अश्विनला (R Ashwin) गोलंदाजीसोबतच अष्टपैलूंच्या क्रमवारीतही फायदा झाला आहे.

रविचंद्रन अश्विनची गगनभरारी

बांगलादेशविरुद्धच्या (Bangladesh) मिरपूर सामन्यात सहा विकेट घेणारा रविचंद्रन अश्विन (R Ashwin) जसप्रीत बुमराहसह गोलंदाजांमध्ये संयुक्त चौथ्या स्थानावर पोहोचला आहे. त्याने दुसऱ्या डावात नाबाद 42 धावा केल्या, ज्याच्या मदतीने तो फलंदाजांच्या क्रमवारीत 84 व्या स्थानावर पोहोचला. रवींद्र जडेजा 369 रेटिंग गुणांसह अष्टपैलूंच्या क्रमवारीत अव्वल स्थानावर आहे, तर रविचंद्रन अश्विन (R Ashwin) 343 गुणांसह आहे.

R Ashwin & Shreyas Iyer
ICC Test Rankings: रविचंद्रन अश्विनचा जलवा, अष्टपैलूंच्या यादीत दुसऱ्या स्थानावर कायम

श्रेयस अय्यर कारकिर्दीतील सर्वोत्तम रँकिंगवर पोहोचला

अश्विनसोबत 71 धावांची भागीदारी करणारा श्रेयस अय्यर (Shreyas Iyer) कारकिर्दीतील सर्वोत्तम 16 व्या क्रमांकावर पोहोचला. प्लेअर ऑफ द सिरीज असूनही चेतेश्वर पुजारा तीन स्थानांनी घसरुन 19 व्या स्थानावर आहे, तर विराट कोहली दोन स्थानांनी घसरुन 14 व्या स्थानावर आहे. फलंदाजांमध्ये ऋषभ पंत सहाव्या तर गोलंदाजांमध्ये उमेश यादव 33 व्या स्थानावर आहे. बांगलादेशचा फलंदाज लिटन दास कारकिर्दीतील सर्वोत्तम 12 व्या क्रमांकावर पोहोचला आहे, तर मोमिनुल हक 68 व्या, झाकीर हसन 70 व्या आणि नुरुल हसन 93 व्या स्थानावर आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com