Harbhajan Singh Viral Video, Chris Gayle Bowled: भारताचा माजी ऑफस्पिनर हरभजन सिंगची गणना जगातील दिग्गज गोलंदाजांमध्ये केली जाते. तो अजूनही खूप तंदुरुस्त आहे आणि त्याच्या गोलंदाजीची धारही कमी झालेली नाही.
Legends League Cricket (LLC2-2023) मध्ये त्याने याची झलक दाखवली. दोहा येथील वेस्ट एंड पार्क इंटरनॅशनल क्रिकेट स्टेडियमवर वर्ल्ड जायंट्स आणि इंडिया महाराजा यांच्यातील सामन्यात 42 वर्षीय हरभजनने ख्रिस गेलला क्लीन बोल्ड केले.
युनिव्हर्स बॉस प्रसिद्ध ख्रिस गेलसमोर हरभजन सिंगने (Harbhajan Singh) असा बॉल टाकला की तो फक्त बघतच राहिला. बाहेरची खेळपट्टी असूनही चेंडूने इतका टर्न घेतला आणि सरळ लेगस्टम्पवर आदळला.
गेल आऊट झाल्यानंतर पॅव्हेलियनमध्ये परतला. डावाच्या तिसऱ्या षटकात हरभजन गोलंदाजीला आला आणि त्याने सलग 2 वाइड टाकल्यानंतर पहिल्याच चेंडूवर गेलला बोल्ड केले. गेलने 40 चेंडूंत एका चौकाराच्या मदतीने 40 धावा केल्या.
विशेष म्हणजे, हे पाहून हरभजनचाही विश्वास बसेना. नंतरचे रिप्लेही बघितले. मात्र, हरभजनचा चेंडू सरळ लेग स्टम्पला लागल्याचे रिप्लेमध्ये स्पष्टपणे दिसून आले. अशा स्थितीत त्याला 'बॉल ऑफ द सेंच्युरी' म्हणणे चुकीचे ठरणार नाही.
हरभजन सिंगने आपल्या कारकिर्दीत 103 कसोटी, 236 एकदिवसीय आणि 28 टी-20 आंतरराष्ट्रीय सामने खेळले. त्याने कसोटीत 417, एकदिवसीय सामन्यात 269 आणि T20 आंतरराष्ट्रीय फॉर्मेटमध्ये एकूण 25 बळी घेतले. आता तो क्रिकेट सोडून राजकारणाच्या खेळपट्टीवर उतरला आहे. नुकतेच त्यांना पंजाबमधून (Punjab) राज्यसभा सदस्य करण्यात आले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.