पणजी: गोव्याच्या पुरुष कबड्डी संघाने धडाकेबाज खेळ करत ६९व्या राष्ट्रीय सीनियर स्पर्धेची बाद फेरी गाठली. असा पराक्रम साधताना संघाने गटसाखळीतील तिन्ही सामने जिंकून अव्वल क्रमांक मिळविला. त्यांनी सलग दुसऱ्या वर्षी स्पर्धेच्या उपउपांत्यपूर्व फेरीत प्रवेश केला.
दरम्यान, स्पर्धा हरियाणातील (Haryana) चरखी दादरा येथे सुरू आहे. गोव्याच्या पुरुष संघाने गटसाखळीत दोन्ही सामने जिंकले. क गटातील त्यांचा शेवटचा सामना राजस्थानविरुद्ध झाला. या लढतीतही गोव्याने बाजी मारताना सामना ५१-५० असा एका गुण फरकाने निसटता जिंकला. अनुभवी प्रो-कबड्डी लीग प्रशिक्षक जसवीर सिंग यांचे गोव्याच्या (Goa) संघाला मार्गदर्शन लाभत आहे. गटसाखळीत गोव्याने गुरुवारी रात्री पहिल्या लढतीत विदर्भास ४८-२९ गुण फरकाने हरविले. शुक्रवारी त्यांनी मणिपूरचा (Manipur) ४०-१० फरकाने धुव्वा उडविला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
