Goa Veterans Football Team On Portugal Visit: गोवा आणि पोर्तुगाल यांच्‍यातील फुटबॉल संबंध पूर्वीपासून जोडलेले आहेत. हे संबंध अधिक वृद्धींगत व्‍हावेत यासाठी गोव्‍याच्‍या 12 वेटरन्‍स खेळाडूंचा संघ पोर्तुगाल दौर्‍यावर गेला आहे.
लिस्‍बन येथे पोर्तुगाल वेटरन्‍स संघाबरोबर पहिला सामना झाला. या सामन्‍यात गोव्‍याच्‍या संघावर पोर्तुगाल संघाने ४-२ अशा गोल फरकाने विजय मिळविला.
अॅथलेटिको क्‍लब द पोर्तु साल्‍वाे येथील मैदानावर हा सामना खेळविण्‍यात आला. पेले फर्नांडिस यांच्‍या नेतृत्‍वाखाली या दौर्‍यावर गेलेल्‍या या संघात धेंपो आणि सेझा या संघासाठी पूर्वी खेळलेले एल्‍वीस गोईस यांचा समावेश आहे.
पहिल्‍या सामन्‍यात दोन्‍ही बाजूने अटीतटीचा खेळ झाला. पोर्तुगाल संघाने दोन गोलांची आघाडी घेतल्‍यानंतर पेले फर्नांडिस यांनी गोव्‍यासाठी पहिला गोल केला.
त्‍यानंतर उत्तरार्धात गोव्‍याचा दुसरा गोल साल्‍वादोर कार्‍व्‍हालो यांनी केला. पोर्तुगालसाठी ऑस्‍कर, बाल्‍दे, फ्रान्‍सिस्‍को आणि फर्नांदो यांनी गोल केले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
