पणजी: कर्णधार सुयश प्रभुदेसाई (Suyash Prabhudesai) विजय हजारे करंडक एकदिवसीय स्पर्धेसाठी रांची येथ सीनियर संघात दाखल झाल्यानंतर सलामीचा मंथन खुटकर याची गोव्याच्या 25 वर्षांखालील एकदिवसीय संघाच्या कर्णधारपदी नियुक्ती करण्यात आली.
मंथनच्या निवडीची माहिती गोवा क्रिकेट असोसिएशनचे (Goa Cricket Association) सचिव विपुल फडके यांनी दिली. बंगळूर येथे स्पर्धेची बाद फेरी सुरू आहे. गोव्याने प्रथमच स्पर्धेची उपांत्यपूर्व फेरी गाठली आहे. रविवारी त्यांची पंजाबविरुद्ध होईल. या लढतीत मंथन कर्णधार या नात्याने नाणेफेकीस जाईल. महत्त्वपूर्ण सामन्यात गोव्याला मध्यफळीत अनुभवी सुयशची अनुपस्थिती जाणवेल. त्याने स्पर्धेत 6 सामन्यांतील 4 डावांत 2 अर्धशतकांसह 193 धावा केल्या.
गोव्याने शुक्रवारी उपउपांत्यपूर्व लढतीत तमिळनाडूस (Tamil Nadu) 9 धावांनी हरविले. पाऊस आल्यामुळे सामन्याचा निकाल व्हीजेडी पद्धतीनुसार ठरविण्यात आला. तुनीष सावकारच्या 86 धावांच्या बळावर गोव्याने सर्वबाद 207 धावा केल्या, नंतर पावसामुळे खेळ थांबला तेव्हा तमिळनाडूने 30.2 षटकांत 7 बाद 158 धावा केल्या होत्या.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
