पणजी: धेंपो स्पोर्टस क्लबने (Goa Sports) पेनल्टी शूटआऊटवर एफसी गोवा डेव्हलपमेंटल संघाला 5-3 फरकाने हरवून 17व्या गोवा पोलिस कप फुटबॉल स्पर्धेच्या (Goa Police Football Cup) अंतिम फेरीत प्रवेश केला. उपांत्य सामना बुधवारी म्हापसा येथील धुळेर स्टेडियमवर झाला.
निर्धारित नव्वद मिनिटांच्या खेळात दोन्ही संघ 1-1 गोलबरोबरीत होते. 45+2व्या मिनिटास एचपी लालरेमरुआता याने एफसी गोवास आघाडी मिळवून दिली. नंतर 60 व्या मिनिटास पेद्रू गोन्साल्विसने केलेल्या गोलमुळे धेंपो क्लबला बरोबरी साधता आली.
पेनल्टी शूटआऊटवर धेंपो क्लबचा गोलरक्षक वेलिस्टर मेंडिस याची दक्षता निर्णायक ठरली. त्याने एफसी गोवाच्या रायन मिनेझिस याने मारलेला चौथा फटका अडवून धेंपो क्लबची स्पर्धेतील आगेकूच कायम राखली. धेंपो क्लबच्या पाचही खेळाडूंनी आपले फटके व्यवस्थित मारले. एफसी गोवाचा आयव्हन कॉस्ता सामन्याचा मानकरी ठरला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
