Goa Sports : अनुज, निशांत, राहुल, अयान यांची बॅडमिंटन स्पर्धेत आगेकूच

Goa Sports : मडगावच्या बीपीएस स्पोर्टस क्लबने गोवा बॅडमिंटन असोसिएशन आणि गोवा क्रीडा प्राधिकरण यांच्या सहकार्याने घेतलेल्या राज्य प्रमुख मानांकन बॅडमिंटन स्पर्धेत पुरुष एकेरीत अनुज वेर्णेकर, निशांत शेणई, राहुल, अयान शेख यांनी, तर महिला एकेरीत जान्हवी महाले, श्रेया मेहता, के. साक्षी, रितिका चेल्लुरी यांनी उपांत्य फेरीत प्रवेश केला.

स्पर्धा नावेली येथील मनोहर पर्रीकर इनडोअर स्टेडियममध्ये सुरू आहे. स्पर्धेच्या उपउपांत्यपूर्व लढतीत अनुजने अव्वल मानांकित करण धावसकर याच्यावर धक्कादायक विजय नोंदविला होता.

उपांत्यपूर्व फेरी निकाल

पुरुष एकेरी

अनुज वेर्णेकर वि. वि. अद्वैत बाळकृष्णन २१-१९, २३-२१. निशांत शेणई वि. वि. सुशील नायक २१-१२, २१-१२. राहुल वि. वि. अर्जुन भगत १९-२१, २१-१०, २१-८. अयान शेख वि. वि. सोहम खांडेपारकर २४-२२, २१-१६.

महिला एकेरी

जान्हवी महाले वि. वि. आद्या चौरासिया २१-१४, २१-९. श्रेया मेहता वि. वि. सौम्या देशपांडे २१-१९, २१-१९. के. साक्षी वि. वि. शिवांजली थिटे २१-९, २१-१३. रितिका चेल्लुरी वि. वि. ट्विंकल सुल्लड २६-२४, १८-२१, २१-१७.