Rapid Chess Tournament: गोव्याचा अमेय मलेशियात विजेता; ब्लिट्झ प्रकारातही लक्षवेधक कामगिरी

Goa's International Master Ameya Audi: गोव्याचा इंटरनॅशनल मास्टर (आयएम) बुद्धिबळपटू अमेय अवदी याने मलेशियातील मेर्डेका डे खुल्या बुद्धिबळ स्पर्धेत नेत्रदीपक कामगिरी बजावली.

अमेय रॅपिड बुद्धिबळात विजेता ठरला, तर ब्लिट्झ प्रकारात त्याला पाचवा क्रमांक मिळवत बक्षीस मिळविले.

रॅपिड स्पर्धेत अमेयला तृतीय मानांकन होते. त्याने सहा फेऱ्यांतून सर्वाधिक पाच गुण नोंदविले. स्पर्धेत सात देशांतील साठ स्पर्धक सहभागी झाले होते. पाच विजय नोंदविताना त्याने मलेशियन, फिलिपिन्स, इंडोनेशिया देशातील खेळाडूंना हरविले.

ब्लिट्झ स्पर्धेत अमेय १३वा मानांकित होता. त्याने आठ फेऱ्यांतून सहा विजय व एका बरोबरीसह साडेगुण नोंदवून पाचवा क्रमांक प्राप्त केला.

व्हिएतनामचा ग्रँडमास्टर न्गुयेन व्हॅन हुय याच्याविरुद्ध त्याने लाजबाव खेळ करत बरोबरी नोंदविली. ब्लिट्झ प्रकारात १६ देशांतील १४७ खेळाडू सहभागी झाले होते, त्यात ४१ जण मानांकित खेळाडू होते.