Goa: कोविड-19 महामारीमुळे (Covide-19 Epidemic) गतवर्षी गोवा पोलिस कप फुटबॉल (Goa Police Football) स्पर्धा झाली नाही, आता वर्षभरानंतर जुनीपुराणी स्पर्धा राज्यातील फुटबॉल मैदानावर पुनरागमन करेल. स्पर्धेची सतरावी आवृत्ती 7 ते 24 नोव्हेंबर या कालावधीत नियोजित आहे.
गोवा पोलिस क्रीडा विभागाकडून प्राप्त माहितीनुसार, एकूण 14 संघांचा स्पर्धेत सहभाग असेल. यामध्ये गोवा प्रोफेशनल लीग व प्रथम विभागीय संघ आहेत. स्पर्धेचे सविस्तर वेळापत्रक 30 ऑक्टोबरला जाहीर होईल. स्पर्धेला गोवा फुटबॉल असोसिएशनची मान्यता आहे.
स्पर्धेला 1968-69 मोसमात सुरवात झाली. पहिल्याच वर्षी वास्को स्पोर्टस क्लबने विजेतेपद मिळविले. 1978 नंतर स्पर्धेच्या आयोजनात अनियमितता आली. 2019 साली स्पर्धेचे शेवटच्या वेळेस आयोजन झाले. तेव्हा पेनल्टी शूटआऊटवर स्पोर्टिंग क्लब द गोवा संघास हरवून एफसी गोवा डेव्हलपमेंटल संघाने ही स्पर्धा प्रथमच जिंकली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
