Lagori Championship: गोव्याच्या पुरुष लगोरी संघाचे राष्ट्रीय स्पर्धेत रौप्यपदक, तर महिलांना ब्राँझपदक

Senior National Lagori Championship At Haryana: गोव्याच्या पुरुष लगोरी संघाने राष्ट्रीय सीनियर स्पर्धेत रौप्यपदकाची कमाई केली, तर महिलांना ब्राँझपदक मिळाले.

हरियानात झालेल्या या स्पर्धेत पुरुष गटातील अंतिम लढतीत गोव्याला महाराष्ट्राकडून १-२ सेट्स फरकाने निसटती हार पत्करावी लागली. यंदा स्पर्धेची दहावी आवृत्ती होती.

साखळी फेरीत ओळीने पाच सामने जिंकल्यानंतर गोव्याच्या पुरुष संघाने उपांत्यपूर्व लढतीत राजस्थानला २-१ असे नमविले, तर उपांत्य लढतीत आसामला २-० असे नमवून उपांत्य फेरी गाठली.

पुरुष गटात महाराष्ट्राला सुवर्ण, गोव्याला रौप्य, तर आसाम व पुदुचेरीस ब्राँझपदक विभागून मिळाले.

महिला संघाने उपांत्यपूर्व फेरीत बिहारला २-१ असे पराजित केल्यानंतर त्यांना उपांत्य लढतीत आसामकडून १-२ फरकाने पराभव पत्करावा लागला. या गटात हरियानाला सुवर्ण, तर आसामला रौप्यपदक मिळाले. गोवा व झारखंडला संयुक्तपणे ब्राँझपदक मिळाले.