पणजी: ट्राय गोवा (Try Goa) यांच्यातर्फे घेण्यात आलेल्या 200 किलोमीटर बीआरएम सायकल राईडमध्ये (BRM Cycle Ride) 16 महिलांसह एकूण 96 जणांनी निर्धारित वेळेत अंतर पूर्ण केले. सायकल राईडमध्ये गोव्यासह (Goa) बेळगाव (Belgaum), बंगळूर (Bengaluru) येथील सायकल रायडर (Cycle Rider) सहभागी झाले होते. पणजी येथे रविवारी सकाळी सहा वाजता सायकल रायडरनी कूच केले.
धारबांदोडा, मोले, उगे, नेत्रावळी, केपे, लोटली येथून पुन्हा पणजी हे अंतर साडेतेरा तासांत पूर्ण करणे बंधनकारक होते. सर्व यशस्वी सायकलपटूंना फ्रान्समधील ऑडॅ क्लब पॅरिसियन यांच्यातर्फे खास पदक दिले जाईल, अशी माहिती ट्राय गोवाचे राजेश मल्होत्रा यांनी दिली. ऑडॅ राईडचे यंदा शतकमहोत्सव असल्याने जगभरात 200 किलोमीटर सायकल राईड घेण्यात येत आहे. गोव्यातील टप्प्यास साहसी सायकलपटू वेणूवर्धन रेड्डी यांनी सुरवात केली. 200 किलोमीटरसह 100 किलोमीटर सायकल राईड पणजी ते धारबांदोडा व परत या मार्गावर झाली. त्यात 19 सायकलपटू यशस्वी ठरले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
