IPL आर्थिकदृष्ट्या मजबूत आहे, मात्र..: पाकिस्तानचा माजी क्रिकेटपटू सलमान

भारत आणि पाकिस्तान हे दोन्ही देश नेहमीच एकमेकांचे कट्टर प्रतिस्पर्धी राहिले आहेत. आंतरराष्ट्रीय क्रिकेट व्यतिरिक्त, या दोन्ही देशांची स्वतःची T20 लीग आहे. भारतामध्ये इंडियन प्रीमियर लीग (IPL) खेळली जाते, तर पाकिस्तानच्या लीगला पाकिस्तान सुपर लीग (PSL) म्हणतात. या दोन्ही लीगची वारंवार तुलना केली जाते. (Former Pakistani cricketer Salman Butt compares IPL and PCL)

पाकिस्तानचा माजी क्रिकेटपटू आणि सलामीवीर सलमान बटनेही या वादात उडी घेतली आहे. त्याने पीएसएलचे मर्यादित संसाधनांसह जगातील सर्वोत्तम लीग म्हणून वर्णन केले आहे. त्याने आयपीएल ही मोठी लीग असल्याचे म्हटले आहे. बटने मात्र या दोन लीगमधील तुलना "वायफळ" असल्याचे म्हटले आहे.

"मला वाटते की दोन्ही लीग चांगल्या आहेत. PSL बद्दल कोणीही तक्रार केलेली नाही," असे सलमान म्हणाला. तो पुढे म्हणाला, "आयपीएल आर्थिकदृष्ट्या खूप मजबूत आहे. त्यांच्याकडे खेळाडूंची खरेदी करण्याची क्षमता आहे, त्यामुळेच जगभरातील क्रिकेटपटू याकडे आकर्षित झाले आहेत."