एफसी गोवा आणि वेळसाव स्पोर्टस अँड कल्चरल क्लबने रिलायन्स फाऊंडेशन डेव्हलपमेंट लीग फुटबॉल स्पर्धेच्या मुख्य फेरीसाठी पात्रता मिळविली आहे. स्पर्धेच्या गोवा विभागीय फेरीत त्यांनी अनुक्रमे पहिला व दुसरा क्रमांक मिळविला.
शिरसई येथील सेझा अकादमी मैदानावर रविवारी झालेल्या गोवा विभागातील शेवटच्या साखळी लढतीत एफसी गोवा व वेळसाव यांच्यातील सामना गोलशून्य बरोबरी राहिल्यामुळे त्यांना प्रत्येकी एक गुण मिळाला. दोन्ही संघ स्पर्धेत अपराजित राहिले.
दोन्ही संघांनी रविवारच्या सामन्यात गोलसाठी प्रयत्न केले, पण त्यांना यश लाभले नाही. सामना संपण्यास पाच मिनिटे बाकी असताना एफसी गोवासाठी गोल करण्याची चांगली संधी होती.
मात्र साईश गावकरचा फटका वेळसाव संघाच्या बचावपटूने ऐनवेळी रोखून गोलशून्य बरोबरीची कोंडी कायम राखली. त्यानंतर वसीम इनामदार याला संधीला लाभ घेता आली नाही, त्यामुळे एफसी गोवाचे आक्रमक पुन्हा एकदा विफल ठरले.
गोवा विभागीय फेरीत एफसी गोवा आणि वेळसाव क्लबने प्रत्येकी पाच विजय व दोन बरोबरी या कामगिरीसह समान 17 गुण झाले. सरस गोलसरासरीत एफसी गोवा संघाने पहिला क्रमांक मिळविला, तर वेळसाव संघ दुसऱ्या स्थानी राहिला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
