चाणक्य अन् कॅप्टन कूल 'सेम टू सेम'; सोशल मीडियावर फोटो होतोय तूफान व्हायरल

Philosopher Chanakyas Image Looks Like MS Dhoni: सोशल मीडियावर एक फोटो तूफान व्हायरल होत आहे. शास्त्रज्ञांच्या एका समूहाने भारतीय तत्वज्ञ 'चाणक्य' यांची प्रतिमा साकारली आहे. विशेष म्हणजे, ही प्रतिमा भारताचा माजी कर्णधार आणि सध्याचा CSK चा कर्णधार एमएस धोनीसारखी दिसत आहे. होय, सेम टू सेम अशी दिसणारी प्रतिमा (फोटो) सोशल मीडियावर तूफान व्हायरल होत आहे. सोशल मीडिया यूजर्स हा फोटो पाहून आपल्या प्रतिक्रिया नोंदवत आहेत.

दरम्यान, चाणक्य हे एक प्राचीन भारतीय तत्वज्ञ आहेत. शिक्षक, लेखक, रणनीतिकार, तत्त्वज्ञ, अर्थशास्त्रज्ञ, न्यायशास्त्रज्ञ म्हणून त्यांची ओळख आहे. चतुर रणनीतिकार म्हणून त्यांची ख्याती होती. चाणाक्य यांनी चंद्रगुप्त मौर्याच्या राजदरबारात सल्लागार म्हणून काम केले. त्यांचे सर्वात प्रसिद्ध कार्य म्हणजे 'अर्थशास्त्र' हे राजकारणावरील लोकप्रिय पुस्तक आहे, जे ख्रिस्तपूर्व तिसऱ्या शतकादरम्यान लिहिले गेले.

दुसरीकडे, चाहते एमएस धोनीला क्रिकेटचा 'चाणक्य' म्हणून संबोधतात. आयपीएलमध्ये CSK साठी कर्णधार म्हणून भूमिका बजावताना तो आपल्या चतुराईने सामन्याची रंगत बदलतो. क्रिकेट फॅन धोनीवर खूप प्रेम करतात. दरम्यान, सोशल मीडियावर एक ट्विट व्हायरल झाले आहे, ज्यामध्ये वापरकर्त्याने दावा केला आहे की, बिहारमधील मगध डीएस युनिव्हर्सिटीच्या शास्त्रज्ञांनी चाणक्यचे फोटो काढले आणि ते हुबेहुब एमएस धोनीसारखे दिसत आहे. ट्विटमध्ये असे लिहिले आहे की, “मगध डीएस युनिव्हर्सिटीच्या शास्त्रज्ञांनी चाणक्य कसे दिसत असतील याचे हे 3D मॉडेल तयार केले आहे.”

दुसरीकडे, CSK फ्रँचायझीने चेपॉक मैदानावर एमएस धोनीच्या पहिल्या नेट सत्राचा व्हिडिओ अपलोड केला, ज्यामध्ये तो नेहमीप्रमाणे मस्त आणि तंदुरुस्त दिसत आहे. आयपीएलचा हा हंगाम 42 वर्षीय धोनीचा शेवटचा असू शकतो अशी शक्यता आहे. एमएस धोनीच्या नेतृत्वाखाली सीएसकेने गेल्या वर्षी त्यांच्या पाचव्या आयपीएल विजेतेपदाला गवसणी घातली होती. या विजेतेपदकाने त्याच्या संघाने मुंबई इंडियन्सच्या रेकॉर्डशी बरोबरी केली. त्यानंतर कॅप्टन कूलच्या गुडघ्यावर शस्त्रक्रिया झाली. आता तो पूर्णपणे तंदुरुस्त आहे. यंदाच्या आयपीएल हंगामातील पहिला सामना CSK विरुद्ध RCB असा घरच्या मैदानावर (चेपॉक) रंगणार आहे.