IPL 2023: टीम इंडियाचा माजी कर्णधार आणि रॉयल चॅलेंजर्स बंगळुरुचा स्टार फलंदाज विराट कोहली सध्या जबरदस्त फॉर्म आहे. या मोसमात खेळलेल्या 3 पैकी 2 सामन्यात त्याने अर्धशतके झळकावली आहेत.
लखनऊ सुपर जायंट्सविरुद्धच्या शेवटच्या सामन्यातही कोहलीने शानदार खेळी खेळली. मात्र असे असतानाही न्यूझीलंड क्रिकेट संघाचा माजी गोलंदाज सायमन डोलने विराट कोहलीवर टीका केली. त्याने कोहलीवर काय टीका केली, ते जाणून घेऊया...
दरम्यान, विराटने लखनऊ सुपर जायंट्सविरुद्ध (Lucknow Super Giants) आक्रमकपणे आपल्या डावाची सुरुवात केली. त्याने येताच मोठे फटके मारण्यास सुरुवात केली, ज्यामुळे तो अवघ्या 25 चेंडूत 42 धावांपर्यंत पोहोचला. पण यानंतर कोहलीने आपले अर्धशतक पूर्ण करण्यासाठी म्हणजेच 8 धावा करण्यासाठी 10 चेंडू घेतले.
न्यूझीलंडचा माजी खेळाडू सायमन डोलला नेमके हेच खटकले. कोहलीची ही संथ शैली त्याला आवडली नाही.
अशा परिस्थितीत सामन्यादरम्यान समालोचन करताना तो म्हणाला की, 'कोहलीने आपल्या डावाची सुरुवात एखाद्या हायस्पीड ट्रेनप्रमाणे केली, तो मोठे फटके मारत होता. पण त्याने 42 वरुन अर्धशतकापर्यंत पोहोचण्यासाठी 10 चेंडू घेतले. त्याला त्याच्या रेकॉर्डची चिंता आहे.'
दुसरीकडे, इंडियन प्रीमियर लीगमधील विराट कोहलीचे हे 46 वे अर्धशतक होते. त्याने 138 च्या स्ट्राईक रेटने फलंदाजी करत 44 चेंडूत 61 धावा केल्या, ज्यामध्ये त्याच्या बॅटमधून 4 चौकार आणि 4 षटकारही दिसले.
ऑरेंज कॅपच्या यादीतही तो चौथ्या क्रमांकावर आहे. विराट कोहलीने (Virat Kohli) आतापर्यंत 3 सामन्यात 82 च्या सरासरीने 164 धावा केल्या आहेत. मात्र, येत्या सामन्यांमध्ये विराट कोणत्या इराद्याने फलंदाजी करतो हे पाहावे लागेल.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.