WPL 2023: महिला प्रीमियर लीगच्या नवव्या सामन्यात दिल्ली कॅपिटल्सने गुजरात जायंट्सचा 10 गडी राखून पराभव केला. दिल्ली कॅपिटल्सविरुद्ध प्रथम फलंदाजी करताना गुजरात जायंट्सने खराब सुरुवातीनंतर 20 षटकांत 9 गडी गमावून 105 धावा केल्या. प्रत्युत्तरात शफालीच्या धडाकेबाज अर्धशतकाच्या जोरावर दिल्लीने अवघ्या 7.1 षटकांत हे लक्ष्य गाठले.
दरम्यान, गुजरातसाठी गार्थने शानदार खेळी खेळली. त्याचवेळी कॅपने दिल्ली कॅपिटल्ससाठी (Delhi Capitals) पाच बळी घेतले. महिला प्रीमियर लीगमध्ये पाच किंवा त्याहून अधिक बळी घेणारी ती दुसरी खेळाडू ठरली आहे.
प्रथम फलंदाजी करताना गुजरातची (Gujarat) सुरुवात खराब झाली. पॉवरप्लेमध्येच अर्धा संघ पॅव्हेलियनमध्ये परतला होता. मॅरिजन कॅपने पॉवरप्लेमध्येच चार विकेट घेतल्या.
तसेच, पहिल्या षटकाच्या दुसऱ्या चेंडूवर मेघना आऊट झाली. त्यानंतर तिसऱ्या षटकात कॅपने लॉरा आणि गार्डनरला पॅव्हेलियनमध्ये पाठवले. शिखाने हेमलताला आऊट करुन गुजरातला पाचवा धक्का दिला.
कॅपने सातव्या षटकात सुषमाला बाद करुन आपले पाच बळी पूर्ण केले. त्यानंतर, गार्थ आणि जॉर्जियाने डाव सांभाळला. जॉर्जियाने 22, तर गार्थने नाबाद 32 धावा केल्या.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.