IPL 2023: धोनीने सांगितले CSK च्या यशाचं रहस्य, 'सर्वोत्तम खेळाडूंची निवड करा अन्...'

IPL 2023: आयपीएल 2023 च्या 67 व्या सामन्यात चेन्नई सुपर किंग्जने दिल्ली कॅपिटल्सचा 77 धावांनी पराभव करुन प्लेऑफमध्ये प्रवेश केला.
MS Dhoni | CSK
MS Dhoni | CSKDainik Gomantak

IPL 2023: आयपीएल 2023 च्या 67 व्या सामन्यात चेन्नई सुपर किंग्जने दिल्ली कॅपिटल्सचा 77 धावांनी पराभव करुन प्लेऑफमध्ये प्रवेश केला.

सीएसकेच्या फलंदाजांनी धडाकेबाज फलंदाजी करत 223 धावा केल्या, त्यानंतर सीएसकेच्या गोलंदाजांच्या उत्कृष्ट कामगिरीच्या जोरावर डीसी संघ केवळ 146 धावाच करु शकला.

एकूणच, संपूर्ण संघाने CSK ला शानदार विजय मिळवून देण्यात कोणतीही कसर सोडली नाही. या विजयानंतर, CSK 14 सामन्यांतून 17 गुणांसह आणि 0.652 च्या रन रटने दुसऱ्या स्थानावर पोहोचला आहे. प्लेऑफमध्ये प्रवेश केल्यानंतर धोनीने संपूर्ण संघासह खेळाडूंच्या कामगिरीबद्दल सांगितले.

धोनीने मॅच प्रेजेंटेशनदरम्यान सांगितले की, ''यशाचं असं कोणतही गणित नाही. तुम्ही प्रयत्न करा आणि सर्वोत्तम खेळाडूंची निवड करा. त्यानंतर, त्यांना शानदार प्रदर्शन करण्यासाठी सर्वोत्तम स्लॉट द्या."

MS Dhoni | CSK
IPL 2023: लखनऊविरुद्ध 'करो वा मरो'च्या सामन्यात कोलकाताने जिंकला टॉस! असे आहेत दोन्ही टीमचे Playing XI

CSK व्यवस्थापनालाही श्रेय

धोनीने याचे श्रेय सीएसके व्यवस्थापनाला दिले. तो म्हणाला- 'व्यवस्थापनालाही याचे श्रेय जाते. ते नेहमीच आम्हाला प्रोत्साहन देतात, पण खेळाडू हे सर्वात महत्त्वाचे आहेत.

आम्ही खेळाडूंशिवाय काहीही करु शकत नाही. माझ्या मते डेथ ओव्हर्समध्ये गोलंदाजी करताना आत्मविश्वास खूप महत्त्वाचा असतो. तुषार चांगली कामगिरी करत आहे. त्याचा आत्मविश्वास दुणावला आहे.'

MS Dhoni | CSK
IPL 2023: क्लास जुगलबंदी! वॉर्नरचं 'Sword' सेलिब्रेशन; जड्डूने दिली टशन, पाहा Video

खेळाडूंनी वातावरणाशी जुळवून घ्यावे अशी आमची इच्छा आहे

धोनी पुढे म्हणाला- 'जेव्हा तुम्ही त्याच खेळाडूंवर विश्वास ठेवून खेळता तेव्हा त्याचा फायदा होतो. मला वाटतं गोलंदाजांनीही जबाबदारी घेतली आहे, डेथ ओव्हर्समध्ये पाथीराना शानदार गोलंदाजी करत आहे.

विशेष म्हणजे, तुषारचाही आत्मविश्वास दुणावला आहे. वैयक्तिक कामगिरीबद्दल काळजी न करता नॉकआउटमध्ये सर्वोत्तम कामगिरी केली पाहिजे.

बाहेरुन निर्णय घेणे कठीण असते, आम्ही खेळाडू आणि वातावरणाशी जुळवून घेण्याचा प्रयत्न करतो. खेळाडूंनीही वातावरणाशी जुळवून घ्यावे अशी आमची इच्छा असते.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com