थॉमस चषक विजेत्या भारतीय संघाचा प्रशिक्षक; तापसी पन्नूचा बॉयफ्रेंड

भारतीय बॅडमिंटनपटूंनी इतिहासातील पहिलेच जेतेपद खेचत रविवारी इतिहास रचला. भारतीय पुरुष बॅडमिंटन संघाने 14 वेळा विजेत्या इंडोनेशियाचा 3-0 असा धुव्वा उडवण्याची अनपेक्षित कामगिरी केली. थॉमस चषक स्पर्धेच्या जेतेपदाला गवसणी घातली. भारतीय पुरुष बॅडमिंटन प्रशिक्षक माजी डॅनिश बॅडमिंटनपटू मॅथिअस बोई हा अभिनेत्री तापसी पन्नूचा प्रियकर आहे. असं तापसीने खास पोस्ट करत म्हटलं आहे. (Coach of the Thomas Cup winning Indian team; Tapasi Pannu's boyfriend )

वेगवेगळ्या कारणांमुळे सतत चर्चेत असते. या ऐतिहासिक विजयानंतर तापसी पन्नूने आपल्या बॉयफ्रेंडसाठी एक खास व्हिडीओ शेअर केला आहे . हा व्हिडीओ भारताच्या बॅडमिंटन संघाच्या विजयादरम्यान तिच्या घरातील आहे. यात तिच्या टीव्हीवर भारतीय बॅडमिंटन संघ जल्लोष करताना दिसत आहे.

भारतीय पुरुष संघाने रचला इतिहास

भारतीय पुरुष बॅडमिंटन संघाने रविवारी ऐतिहासिक कामगिरी केली. थॉमस चषक स्पर्धेच्या 73वर्षांच्या इतिहासात भारतीय पुरुष संघाने प्रथमच पदक पटकावले आणि तेही सुवर्णपदक.... ही स्पर्धा 14 वेळा जिंकणाऱ्या इंडोनेशियावर विजय मिळवून भारतीय पुरुष संघाने इतिहास घडवला. थॉमक चषक स्पर्धेतील भारताचे हे पहिलेच पदक ठरले आहे.

भारताने डेन्मार्कवर 3-2 असा थरारक विजय मिळवला होता, तत्पूर्वी त्यांनी मलेशियावर मात केली होती. उपांत्य फेरीत प्रवेश करताना भारताने कांस्यपदक पक्के केले होते. परंतु त्यांनी थेट सुवर्णपदकावर नाव कोरले. लक्ष्य सेन, सात्विकराज रँकीरेड्डी, चिराग शेट्टीव, किदम्बी श्रीकांत, एम आर अर्जुन, ध्रुव कपिला व एचएस प्रणॉय हे या ऐतिहासिक विजयाचे शिल्पकार ठरले.