I-League Football Latest News : चर्चिल ब्रदर्सने आय-लीग फुटबॉल स्पर्धेत अपराजित दौड कायम राखताना मंगळवारी पंजाब एफसीवर 2-1 फरकाने मात केली. सलग नऊ सामने अपराजित राहत त्यांनी गुणतक्त्यातही प्रगती साधली.
सामना मंगळवारी कोलकात्यातील कल्याणी येथे झाला. विजयाच्या पूर्ण तीन गुणांसह त्यांनी पंजाब एफसीला गाठले. समान 27 गुण झाल्यानंतर गोव्यातील संघ तिसऱ्या स्थानी आला, तर पंजाबचा संघ चौथ्या क्रमांकावर घसरला. (I-League Football Latest News)
ब्राईस मिरांडा याने 25व्या मिनिटास चर्चिल ब्रदर्सला आघाडी मिळवून देणारा गोल केला. इंग्लिश खेळाडू कर्टिस गथरी याने 56व्या मिनिटास केलेल्या गोलमुळे पंजाब एफसीला बरोबरी साधता आली. सामना संपण्यास पाच मिनिटे बाकी असताना आयव्हरी कोस्टच्या ग्नोहेरे क्रिझो याने केलेल्या गोलमुळे चर्चिल ब्रदर्सला विजयी मुसंडी मारता आली.
चर्चिल ब्रदर्सचा धडाका
स्पॅनिश अंतोनियो रुएदा यांच्या मार्गदर्शनाखालील चर्चिल ब्रदर्स संघ आय-लीग स्पर्धेत सलग नऊ सामने अपराजित आहे. या कालावधीत त्यांनी सात सामने जिंकले, तर दोन सामने बरोबरीत राखले. एकंदरीत त्यांनी 15 लढतीत आठ विजय नोंदविले असून तीन सामने बरोबरीत ठेवले, तर चार पराभव पत्करले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
