Indian Premier League 2023: आयपीएल 2023 चा हंगाम 31 मार्चपासून सुरु होत आहे. पहिला सामना चेन्नई सुपर किंग्ज (CSK) आणि गुजरात टायटन्स (GT) यांच्यात होईल, तर रॉयल चॅलेंजर्स बंगळुरु (RCB) ची 2 एप्रिल रोजी मुंबई इंडियन्सशी लढत होईल.
आयपीएल सुरु होण्यापूर्वी रॉयल चॅलेंजर्स बंगळुरु, चेन्नई सुपर किंग्जबरोबर पंजाब किंग्जसाठी (Punjab Kings) आनंदाची बातमी आली आहे. या संघात श्रीलंकन संघाचे 4 गोलंदाज खेळताना दिसणार आहेत.
यापूर्वी असे बोलले जात होते की, श्रीलंकेच्या खेळाडूंना आयपीएलमध्ये खेळण्यासाठी बोर्डाकडून एनओसी देण्यात आलेली नाही, त्यामुळे खेळाडू आयपीएलमध्ये खेळू शकणार नाहीत. आता श्रीलंका क्रिकेट बोर्डाने याबाबतची स्थिती स्पष्ट केली आहे.
डेली मिररच्या वृत्तानुसार, श्रीलंका क्रिकेट बोर्डाने सांगितले की, आयपीएलसाठी (IPL) आम्ही आमच्या खेळाडूंना एनओसी दिली आहे, परंतु हे खेळाडू न्यूझीलंड दौऱ्यानंतर आयपीएलमध्ये खेळू शकतील, असेही त्यांनी म्हटले आहे.
श्रीलंकेचे चार गोलंदाज आयपीएलमध्ये सामील होतील. वानिंदू हसरंगा (रॉयल चॅलेंजर्स बंगळुरु), महिश तिक्षना आणि मथिशा पाथिराना (चेन्नई सुपर किंग्स) न्यूझीलंड दौऱ्यानंतर त्यांच्या आयपीएल फ्रँचायझींमध्ये सामील होतील, तर भानुका राजपक्षे (पंजाब किंग्स) संपूर्ण आयपीएल हंगामासाठी असेल. श्रीलंकेचा संघ सध्या न्यूझीलंडमध्ये असून या संघाचा दौरा 8 एप्रिल रोजी संपणार असून, त्यानंतर हे खेळाडू आयपीएलमध्ये सहभागी होऊ शकतील.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
