भारत विरुद्ध इंग्लंड संघात सध्या कसोटी मालिका सुरू असून चौथा सामना रांचीमध्ये सुरू आहे. शुक्रवारपासून (23 फेब्रुवारी) सुरू झालेल्या या सामन्यादरम्यान शनिवारी (24 फेब्रुवारी) बीसीसीआयच्या प्रोडक्शन टीमने दंडाला काळी फित बांधली होती.
बीसीसीआयच्या प्रोडक्शन टीमने कॅमेरामन कमलानादिमुथू तिरुवल्लुवन यांच्या स्मरणार्थ दंडाला काळी फित बांधली होती. कॅमेरामन कमलानादिमुथू तिरुवल्लुवन यांचे शु्क्रवारी निधन झाले. त्यांना सर्वजण प्रेमाने थिरू म्हणायचे.
याबद्दल बीसीसीआयने एक व्हिडिओ शेअर केला आहे. त्याच बीसीसीआयच्या प्रोडक्शन टीमने दंडाला काळी फित बांधलेली दिसत आहे.
हा व्हिडिओ शेअर करताना बीसीसीआयने लिहिले आहे की 'बीसीसीआयच्या प्रोडक्शन टीमने थिरू यांच्या स्मरणार्थ दंडाला काळी फित बांधली आहे, थिरू यांचे काल (शुक्रवारी) निधन झाले. आमच्या संवेदना त्यांच्या जवळच्या आणि प्रेमाच्या माणसांबरोबर आहेत. बीसीसीआय त्यांच्या कुटुंबियांप्रती संवेदना व्यक्त करत आहे.'
विशेष म्हणजे थिरू यांनी शुक्रवारी वूमन्स प्रीमियर लीग 2024 स्पर्धेचा उद्घाटन सोहळा आणि नंतर झालेला मुंबई इंडियन्स विरुद्ध दिल्ली कॅपिटल्स यांच्यातील सामनाही कव्हर केला होता. परंतु, त्यानंतर त्यांचे कशामुळे निधन झाले. याबद्दल बीसीसीआयने कोणतीही माहिती दिलेली नाही.
थिरु यांनी बीसीसीआयच्या प्रोडक्शन टीमबरोबर गेली अनेकवर्षे काम केले आहे. त्यांनी अनेक भारतीय क्रिकेटपटूंना हिरो होताना जवळून पाहिले देखील आहे. त्यामुळे त्यांच्या निधनामुळे भारतीय क्रिकेट विश्वात हळहळ व्यक्त होत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
