Asmita Khelo India Women’s League: खेलो इंडिया महिला वेटलिफ्टिंगला प्रतिसाद

गोवा वेटलिफ्टिंग असोसिएशनतर्फे घेण्यात आलेल्या राज्यस्तरीय अस्मिता खेलो इंडिया महिला लीग वेटलिफ्टिंग स्पर्धेला चांगला प्रतिसाद लाभला. एकूण 34 महिला वेटलिफ्टर्सनी स्पर्धेत भाग घेतला.

कुजिरा-बांबोळी येथील धेंपो महाविद्यालय सभागृहात स्पर्धा झाली. धेंपो समुहाचे संचालक यतीश धेंपे यांनी स्पर्धेचे उदघाटन केले.

यावेळी भारतीय वेटलिफ्टिंग महासंघाचे संयुक्त सचिव जयेश नाईक, गोवा वेटलिफ्टिंग संघटनेच्या अध्यक्ष अॅड. प्रियांका नाईक, गोवा क्रीडा प्राधिकरणाचे सीनियर प्रशिक्षक दयानंद हरमलकर यांची उपस्थिती होती.

कुंभारजुव्याचे आमदार राजेश फळदेसाई, म्हापशाच्या माजी नगराध्यक्ष रुपा भक्ता, धेंपो महाविद्यालयाचे प्राचार्य डॉ. मनोज कामत यांच्या उपस्थितीत बक्षीस वितरण झाले

वैभवी उगाडेकर (४५ किलोगट), सारा प्निन्सन (४९ किलोगट), अंशवी बडिगर (५५ किलोगट), ऑलिव्हिया कुतिन्हो (५९ किलोगट), श्रेया नाईक (६४ किलोगट), चैतन्या देसाई (७१ किलोगट), साक्षी हळदणकर (७६ किलोगट), निकिता बेतकीकर (८१ किलोगट), तनुजा कुंकळकर (८७ किलोगट), इराम इर्शाद खत्री (८७वरील किलोगट) यांना विजेतेपद मिळाले.