Asian Champions Trophy Hockey, India vs Japan semifinal, live Streaming Details: आशिया चॅम्पियन्स ट्रॉफी 2023 स्पर्धेची उपांत्य फेरी शुक्रवारी (11 ऑगस्ट) खेळवली जाणार आहे.
या फेरीत भारतीय हॉकी संघासमोर जपानचे आव्हान असणार आहे. हा सामना चेन्नईमधील मेयर राधाकृष्णन हॉकी स्टेडियमवर खेळवला जाणार आहे.
या स्पर्धेत भारतीय संघ अपराजित राहिला आहे. भारताने साखळी फेरीत 4 विजय आणि 1 बरोबरी साधत गुणतालिकेतील अव्वल क्रमांकासह उपांत्य फेरीत प्रवेश मिळवला आहे.
जपानने साखळी फेरीतील 1 विजय, 2 पराभव आणि 2 बरोबरी यासह चौथ्या क्रमांकावर राहात उपांत्य फेरीतील स्थान पक्के केले.
दरम्यान, साखळी फेरीत भारताला केवळ जपानविरुद्ध विजय मिळवता आला नव्हता. त्या सामन्यात 1-1 अशी बरोबरी झाली होती. पुन्हा एकदा हे दोन संघच आता आमने-सामने येणार आहेत.
भारत आणि जपान यांच्यात आत्तापर्यंत 34 सामने झाले आहेत. यामध्ये बऱ्याचवेळा भारतीय संघाचे वर्चस्व राहिल्याचे दिसते. भारताने 27 सामने जिंकले आहेत, तसेच जपानला 3 वेळाच विजय मिळवता आला आहे. याशिवाय 4 सामने बरोबरीत सुटले आहेत.
आशिया चॅम्पियन्स ट्रॉफी 2023 स्पर्धेत जपान आणि भारत यांच्यात आत्तापर्यंत 9 वेळा सामने झाले असून भारताने 5 सामने जिंकले आहेत आहेत आणि दोन सामन्यात बरोबरी झाली आहे. तसेच जपानने 2 सामने जिंकले आहेत.
दरम्यान सध्या भारतीय संघ क्रमवारीत चौथ्या क्रमांकावर आहे, तर जपान 19 व्या क्रमांकावर आहे.
भारत आणि जपान यांच्यातील उपांत्य सामन्याला भारतीय प्रमाणवेळेनुसार रात्री 8.30 वाजता सुरुवात होणार आहे. हा सामना चाहते स्टार स्पोर्ट्सच्या चॅनेलवर पाहू शकतात.
तसेच फॅन कोड ऍप आणि वेबसाईटवरही या सामन्याचे लाईव्ह स्ट्रिंमिंगवर पाहू शकतात.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
