जागतिक क्रमवारीत अव्वल स्थानी असणारी स्टार महिला टेनिसपटू एश्ले बार्टीने अचानक निवृत्ती जाहीर करुन सर्वांनाच चकित केले आहे. याआधीही बार्टीने टेनिसमधून ब्रेक घेतला होता. बार्टीने सोशल मीडियावर व्हिडिओ शेअर करुन चाहत्यांना आपल्या निर्णयाची माहिती दिली आहे. बार्टी (Ashleigh Barty) ही ऑस्ट्रेलियातील (Australia) महान खेळाडूंपैकी एक आहे. (Ashleigh Barty the world's top female tennis player has announced her retirement)
दरम्यान, 2022 च्या सुरुवातीला तिने ऑस्ट्रेलियन ओपनचे विजेतेपद पटकावले होते. 44 वर्षांत हे विजेतेपद पटकावणारी ती पहिली ऑस्ट्रेलियन खेळाडू ठरली आहे. बार्टीने आपल्या कारकिर्दीत तीन ग्रँडस्लॅम जेतेपदे पटकावली आहेत. व्हिडिओमध्ये बार्टी म्हणाली, ''मी खूप दिवसांपासून निवृत्तीचा विचार करत होते. माझ्या कारकिर्दीत असे अनेक अद्भुत क्षण आले जे खूप महत्त्वाचे होते. गेल्या वर्षी विम्बल्डनने (Wimbledon) एक खेळाडू म्हणून माझ्यात खूप बदल केला. ते माझे स्वप्न होते.''
तसेच, बार्टीने व्हिडीओच्या कॅप्शनमध्ये लिहिले की, "टेनिसमधून निवृत्तीची घोषणा करताना आजचा दिवस माझ्यासाठी खूप कठीण आणि भावनांनी भरलेला आहे. ही बातमी तुमच्यासोबत कशी शेअर करावी हे मला कळत नव्हते. म्हणून मी माझ्या जवळच्या मित्राकडे मदत मागितली. टेनिसने मला एक वेगळी ओळख दिली. या काळात मला ज्यांनी-ज्यांनी पाठिंबा दिला त्यांचे मी आभार मानते.''
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
