Ajinkya Rahane Indian Cricket Team: भारतीय संघाचा स्टार फलंदाज अजिंक्य रहाणेने आयपीएल 2023 (IPL 2023) मध्ये शानदार कामगिरी केली. त्याने चेन्नई सुपर किंग्जसाठी अनेक मॅच विनिंग इनिंग खेळल्या.
त्याच्या या उत्कृष्ट कामगिरीमुळेच त्याला जागतिक कसोटी चॅम्पियनशिपच्या अंतिम फेरीसाठी भारतीय संघात स्थान मिळाले. आता तो ऑस्ट्रेलियाविरुद्धच्या WTC फायनलमध्ये मोठा विक्रम करु शकतो. चला तर मग त्याबद्दल जाणून घेऊया...
दरम्यान, अजिंक्य रहाणेने (Ajinkya Rahane) 2013 मध्ये ऑस्ट्रेलियाविरुद्ध कसोटी पदार्पण केले. पहिल्या सामन्यापासूनच, तो आपल्या शानदार कामगिरीने सर्वांना प्रभावित करु शकला. विशेष म्हणजे, त्याने टीम इंडियाला अनेक सामने स्वबळावर जिंकून दिले.
पण त्याच्या कारकिर्दीत एक वाईट टप्पाही आला. जेव्हा त्याच्या बॅटमधून धावा येणे बंद झाले होते. यानंतर, त्याला टीम इंडियातून बाहेरचा रस्ता दाखवण्यात आला होता.
त्याने भारतासाठी शेवटचा सामना 2022 मध्ये दक्षिण आफ्रिकेविरुद्ध खेळला होता. पण आता त्याला पुन्हा एकदा टीम इंडियात स्थान मिळाले आहे.
अजिंक्य रहाणेने भारताकडून आतापर्यंत 82 कसोटी सामन्यांमध्ये 99 झेल घेतले आहेत. जर त्याने ऑस्ट्रेलियाविरुद्ध आणखी एक झेल घेतला तर तो कसोटीत त्याचे 100 झेल पूर्ण करेल. राहुल द्रविडने (Rahul Dravid) सर्वाधिक झेल घेतले आहेत. त्याने 209 झेल टिपले आहेत.
तर रोहित शर्माने 49 कसोटी सामन्यात 50 झेल घेतले आहेत. त्याचबरोबर, केएल राहुलने 53 झेल घेतले आहेत.
राहुल द्रविड - 209 झेल
व्हीव्हीएस लक्ष्मण - 135 झेल
सचिन तेंडुलकर - 115 झेल
विराट कोहली - 109 झेल
सुनील गावस्कर - 108 झेल
मोहम्मद अझरुद्दीन - 105 झेल
अजिंक्य रहाणे - 99 झेल
अजिंक्य रहाणेने आतापर्यंत 82 कसोटीत 39.52 च्या सरासरीने 4931 धावा केल्या आहेत. याशिवाय, त्याने 12 शतके आणि 25 अर्धशतके केली आहेत. रहाणेने ऑस्ट्रेलियाविरुद्ध आणखी 69 धावा केल्या तर तो कसोटी क्रिकेटमधील 5000 धावा पूर्ण करेल. अशी कामगिरी करणारा तो 12वा भारतीय फलंदाज ठरणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
