Open Tennis Tournament : ऐश्वर्या जाधव हिने गास्पार डायस खुल्या टेनिस स्पर्धेत तिहेरी किताब पटकावला. तिने 16 वर्षांखालील मुलींत, मिश्र दुहेरीत, तसेच महिला एकेरीत विजेतेपद मिळविले. काफिल कडवेकर पुरुष एकेरीत विजेता ठरला, तर विक्रांत तांडले व सिद्धांत देशपांडे जोडीने पुरुष दुहेरीत बाजी मारली.
स्पर्धा मिरामार येथील क्लब टेनिस द गास्पार डायस कोर्टवर झाली. अगोदर 16 वर्षांखालील मुलींच्या एकेरीत विजेतेपद मिळविलेल्या ऐश्वर्याने महिला एकेरीच्या अंतिम लढतीत प्राप्ती हिच्यावर फक्त एका गेमच्या मोबदल्यात 6-0, 6-1असा विजय मिळविला.
नंतर मिश्र दुहेरीतील अटीतटीच्या अंतिम लढतीत ऐश्वर्या व अर्षद देसाई जोडीने काफिल व प्राप्ती जोडीवर 2-6, 7-6, 10-7 अशी मात केली.
काफिल टायब्रेकरमध्ये सरस
पुरुष एकेरीत काफिल याला अश्विन नरसिंघानी याने झुंजविले. अखेरीस दोन्ही टायब्रेकर सेटमध्ये काफिल 7-6, 7-6 असा सरस ठरला. मिश्र दुहेरीच्या अंतिम लढतीत विक्रांत व सिद्धांत जोडीने तेजस शेवडे व निषाद शेवडे जोडीस 3-6, 6-2, 10-5 असे हरविले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
