तालिबानच्या (Taliban) वाढत्या सत्तेमुळे अफगाणिस्तानमधील परिस्थिती दिवसेंदिवस बिकट (The situation in Afghanistan is getting worse day by day) होत आहे. तालिबान एकापाठोपाठ एक शहर काबीज करत आहेत. ताज्या माहितीनुसार, तालिबानने मंगळवारी आणखी तीन शहरे काबीज केली. पुल-ए-खुमरी, फैजाबाद आणि फराह ही शहरे आहेत. आता तालिबानची नजर इथल्या चौथ्या क्रमांकाचे शहर मजार-ए-शरीफवर आहेत. भारताने मंगळवारीच देशातील बहुतांश भागातून आपल्या नागरिकांना बाहेर काढण्याचा निर्णय घेतला आहे. यासाठी एक विशेष विमानही पाठवण्यात आले आहे. तालिबानच्या भीतीमुळे आतापर्यंत सुमारे 1 लाख 54 हजार लोक बेघर झाले आहेत.
क्रिकेटर राशिद खानने जगाकडे मागितली मदत
अफगाणिस्तानमधील बिघडत चाललेल्या परिस्थितीमध्ये क्रिकेटर राशिद खान (Cricketer Rashid Khan) यांनी जगाला मदतीचे आवाहन केले आहे. राशिद खान याने मंगळवारी ट्विटरवर लिहिले - 'प्रिय जागतिक नेते. माझा देश सध्या संकटात आहे, हजारो निष्पाप मुले, स्त्रिया, लोक शहीद होत आहेत, घरे उद्ध्वस्त होत आहेत. आम्हाला अशा संकटात सोडू नका. आम्हाला शांतता हवी आहे, अफगाणांना मारण्यापासून वाचवा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
