मुंबई इंडियन्स-आरसीबी सामन्यादरम्यान मैदानात घुसलेल्या 26 वर्षीय तरुणाला पुणे पोलिसांनी अटक केली आहे. त्याने विराट कोहली आणि रोहित शर्माला मिठी मारली होती आणि त्याच्याविरुद्ध अनधिकृत प्रवेश आणि गोंधळ निर्माण केल्याप्रकरणी गुन्हा दाखल करण्यात आला आहे. त्यांची पोलिसांशी ही बाचाबाची झाली.
तरूणाने मैदानात प्रवेश करत सगळीकडे गोंधळ उडवून दिला. त्याला मैदानात जाण्यापासून अडवण्यासाठी तैनात पोलिसांनी अडवले असता पोलिसांना धूडकावत त्याने विराट कोहली आणि रोहित शर्माकडे धाव घेतली. हा सगळा प्रकार सीसीटीव्हीत कैद झाला आहे. याप्रकरणी त्याला पुणे पोलिसांनी अटक केली आहे.
दरम्यान, अनुज रावत आणि विराट कोहली (Virat Kohli) यांच्या दमदार फलंदाजीमुळे शनिवारी येथील महाराष्ट्र क्रिकेट असोसिएशन स्टेडियमवर खेळल्या गेलेल्या IPL 2022 च्या 18 व्या सामन्यात रॉयल चॅलेंजर्स बंगळुरू (RCB) ने मुंबई इंडियन्सचा (MI) सात गडी राखून पराभव केला.
IPL 2022 चा 18 वा सामना रॉयल चॅलेंजर्स बंगलोर आणि मुंबई इंडियन्स यांच्यात खेळला गेला. या सामन्यात आरसीबीने मुंबईचा सात गडी राखून पराभव केला. मुंबईचा या मोसमातील हा सलग चौथा पराभव आहे. या सामन्यात आरसीबीने प्रथम शानदार गोलंदाजी केली आणि त्यानंतर फलंदाजांनी दणदणीत सामना संपवला. आरसीबीने या मोसमात 4 सामन्यांपैकी 3 सामने जिंकले आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
