Winter Foot Care: हिवाळ्यात तळपाय राहतील मुलायम, फक्त वापरा 'या' गोष्टी

Winter Foot Care: हिवाळ्यात थंडीपासून बचाव करण्यासाठी प्रत्येकजण जॅकेट आणि स्वेटर घालतात. परंतु तरीही थंडीपासून बचाव होऊ शकत नाही. या थंडीच्या दिवसात त्वचेची काळजी घेणे खूप गरजेचे आहे. कारण थंडीचा थेट परिणाम त्वचेवर होतो. या थंडीच्या दिवसात त्वचा खूप कोरडी होते. त्वचेचा कोरडेपणा दूर करण्यासाठी लोक विविध प्रकारच्या स्किन केअर प्रोडक्ट्सचा वापर करतात. लोक चेहऱ्याची आणि हाताची काळजी घेतात, पण पायांकडे दुर्लक्ष करतात. यामुळे पाय अधिक कोरडे पडतात. पण तुम्ही घरगुती उपाय करून हिवाळ्यात पायांना मुलायम ठेऊ शकता.

पेट्रोलियम जेली

जर तुमचे पाय खूप कोरडे होत असतील आणि तुमच्याकडे पायाची काळजी घेण्यासाठी पुरेसा वेळ नसेल, तर त्यासाठी पेट्रोलियम जेली हा एक चांगला पर्याय आहे. पेट्रोलियम जेली वापरून तुम्ही तुमचे पाय सहज मऊ ठेऊ शकता. तुम्हाला बाजारात सहज पेट्रोलियम जेली मिळेल. 

मध

मधामध्ये असे अनेक घटक असतात, जे त्वचेच्या कोरडेपणापासून आराम देतात. जर तुम्हाला मध वापरायचे असेल तर ते 10 ते 15 मिनिटे पायांवर लावा आणि नंतर कोमट पाण्याने पाय स्वच्छ करा. याचा तुम्हाला नक्कीच फायदा होईल. 

कोरफड

कोरफडचा वापर आरोग्यासाठी फायदेशीर ठरतो. तसेच कोरफड तळपायांसाठी देखील उपयुक्त आहे. तुम्ही बाजारात मिळणारे कोरफड जेल किंवा घरी कोरफडचे झाड असेल तर त्याचा गर काढून तळपायाला लावू शकता. यामुळे थंडीच्या दिवसात देखील तळपाय मुलायम राहतील.

कोकनट ऑइल

हिवाळ्यात तळपायांना मुलायम ठेवण्यासाठी स्वस्तातला उपाय शोधत असाल तर तुम्ही कोकनट ऑइल वापरू शकता. झोपतांना तळपायांना कोकनट ऑइल लावावे. नंतर पायात मोजे घालावे. यामुळे बेडशीट खराब होणार नाही.