Weight Loss Diet Plan : 30 दिवसात 7 किलो वजन करा कमी; वापरा हा 'डाएट प्लॅन'

Weight Loss Diet Plan : जर अगदी प्रामाणिकपणे सांगायचे असेल तर, वजन कमी करणे हीच एकच गोष्ट आपल्या जवळ सगळ्यांनाच वाटते. दिवाळीच्या सणानंतर, आपल्या सर्वांना स्वादिष्ट चवदार पदार्थ आणि लाडूच्या अनेक पर्यायांमुळे काही अतिरिक्त चरबी आपल्या शरीरात वाढली आहे. ज्यामुळे नक्की आपली डोकेदुखी वाढली आहे.

परंतु ऑनलाइन उपलब्ध असलेल्या भरपूर माहितीमुळे, शरीराचा प्रकार, जीवनशैली आणि खाण्याच्या सवयींनुसार वजन कमी करण्याचा सर्वोत्तम पर्याय कोणता आहे हे समजून घेण्यात आपण अनेकदा हरवून जातो. तर जर तुम्हाला तुमचे वजन नियंत्रित ठेवायचे असेल तर खाली नमूद केलेल्या गोष्टी लक्षात ठेवणे गरजेचे आहे. (Weight Loss Diet Plan)

वजन कमी होणे

वजन कमी करण्यामागील कारणे पुष्कळ आहेत, परंतु मूलभूत कल्पना म्हणजे स्वतःच्या शरीराला योग्य आकार असणे. तुम्हाला तुमच्या जुन्या जीन्समध्ये फिट बसायचे असेल किंवा तुमच्या कंबरेभोवती फक्त जास्तीचे इंच टाळायचे असतील, तर आपल्या जीवनशैलीत काही बदल करणे गरजेचे आहे.

वजन कमी करण्याचे फायदे

• यामुळे तुमची कोलेस्ट्रॉलची पातळी कमी होते

• हे तुमच्या रक्तातील साखरेचे प्रमाण कमी करते

• रक्तदाब नियंत्रित ठेवण्यास मदत होते

• चिंता आणि तणाव कमी होतो

• PCOS सारख्या हार्मोनल असंतुलनाशी संघर्ष करणाऱ्यांसाठी उत्तम

• केस गळणे कमी करू शकते

• सिस्टिक मुरुम कमी करू शकतात

सर्वोत्तम भारतीय आहार योजना

प्री-ब्रेकफास्ट

उठल्याबरोबर एक ग्लास कोमट पाण्यात लिंबू टाकून प्या.

• तुमचा दिवस सुरू करण्याचा हा सर्वोत्तम मार्ग आहे

• हे तुमच्या शरीरातील विषारी पदार्थ काढून टाकते

• यामुळे सूज कमी होते

• व्हिटॅमिन सीचा नैसर्गिक स्रोत

• आयुर्वेदानुसार दिवसाची सुरुवात कोमट पाण्याने केल्याने तुमचे दोष शांत होतात

नाश्ता

1 पनीर पराठा, एक वाटी दही सह, 2 बेसन चिल्ला टोमॅटो चटणीसह, कांदा डोसा, रागी रोटी, पालक डोसे, ये पर्याय तुम्ही नाश्त्यासाठी वापरू शकता.

दुपारचे जेवण

रायता आणि कोशिंबीर सोबत सोया चंक्स पुलाव आणि रायत्यासोबत मिक्स्ड व्हेज खिचडी, आणि कोशिंबीर सांबर राईस विथ बीन्स, राजमा चावल सोबत भिंडी सब्जी, कोणतीही भाजी आणि पोळी, इ. हे पर्याय तुम्ही दुपारच्या जेवणासाठी वापरू शकता.

रात्रीचे जेवण

भोपळ्याचे सूप, गव्हाच्या सँडविचसह वांग्याचे भरीत, 2 फुलके आणि अंडी करी, एक वाटी भातासोबत डाळ, चिकन करी 2 पोळी किंवा मिक्स व्हेज/चिकन पुलाव हे पर्याय तुम्ही रात्रीपारच्या जेवणासाठी वापरू शकता.

आहारचे प्रमाण नियंत्रित केले तरी आपले वजन नियंत्रितराहू शकते. मात्र हे लक्षात ठेवणे गरजेचे आहे की योग्य आहारासोबत पुरेसा व्यायाम करणेही तितकेच गरजेचे आहे. तरच तुमचे वजन आटोक्यात येऊ शकते.