Vehicle Tips: कोणत्याही वाहनाचा विमा काढताना करू नका 'या' चुका, अन्यथा उद्भवतील समस्या

Vehicle Tips: कोणत्याही वाहनाच्या सुरक्षिततेसाठी विमा काढणे अत्यंत गरजेचे आहे. परंतु अनेक लोक विमा काढताना काही सामान्य चुका करतात. त्यामुळे त्यांना नंतर अडचणींचा सामना करावा लागतो. अशा कोणत्या आहेत हे जाणून घेऊया.

योग्य कंपनी निवडावी

जेव्हा तुम्हाला विमा घ्यावा लागतो तेव्हा योग्य कंपनी निवड करणे देखील गरजेचे आहे. वाहनांचा विमा बाजारात अनेक कंपन्यांकडून दिला जातो. ज्यामध्ये अनेक प्रकारचे पर्याय देखील उपलब्ध आहेत. पण गरजेच्या वेळी अनेक कंपन्या क्लेम देण्यास विलंब करतात. त्यामुळे ग्राहकांनाही मोठा त्रास सहन करावा लागत आहे.

योग्य विमा खरेदी करा

तुमचे वाहन नेहमी सुरक्षित ठेवण्यासाठी योग्य विमा खरेदी करणे फार महत्वाचे आहे. काही लोक फक्त पैसे वाचवण्यासाठी थर्ड पार्टी इन्शुरन्स घेतात. त्यामुळे गरजेच्या वेळी वाहन दुरुस्त करण्यासाठी तुम्हाला स्वत: पैसे खर्च करावे लागतात. असे करणे कधीकधी खूप महागात पडू शकते.

संपूर्ण पॉलिसी नीट वाचावी

जेव्हा तुम्ही तुमच्या वाहनासाठी कोणत्याही कंपनीची पॉलिसी निवडाल तेव्हा तुम्ही पॉलिसीसोबत आलेल्या सर्व अटी व नियम वाचल्या पाहिजेत. अनेक वेळा कंपन्या अशा अटी आणि नियम लादतात ज्या गरजेच्या वेळी पूर्ण करणे कठीण असते आणि नंतर क्लेम प्राप्त करण्यास वेळ लागतो.

अ‍ॅड ऑन पर्याय घेताना घ्या काळजी

पॉलिसी देताना कंपन्यांकडून अनेक प्रकारचे अॅड ऑन पर्याय दिले जातात . परंतु त्यापैकी तुमच्यासाठी फक्त योग्य अॅड ऑन निवडणे समजुतदारीचे असते. विनाकारण अनेक अॅड ऑन घेतल्याने पॉलिसीचा प्रीमियमही वाढतो. यामुळे फक्त योग्य अॅड ऑन निवडले पाहिजे आणि पॉलिसीमध्ये समाविष्ट केले पाहिजे.