जर तुम्ही तुमच्या डायटमध्ये जास्त शाकाहार आणि कमी मांसाहार करत असाल तर हृदयविकाराचा धोका कमी होऊ शकतो. चकित झालात ना? संशोधनात हे सिद्ध झाले आहे. इंग्लंड आणि स्कॉटलंडमध्ये केलेल्या संशोधनात असे दिसून आले आहे की, मांसाहार करणाऱ्यांच्या तुलनेत शाकाहारी लोकांमध्ये हृदयरोगामुळे मृत्यू होण्याचा धोका 32 टक्के कमी असतो. शाकाहारातील फायबर आणि मिनरल्स हृदयाच्या आरोग्यासाठी चांगले असतात. मांसाहाराच्या तुलनेत शाकाहारी आहारामुळे कोलेस्ट्रॉलची पातळी कमी होते. यामुळे हृदयविकाराचा धोकाही कमी होतो.
दरम्यान, शाकाहारात सॅच्युरेटेड फॅटचे प्रमाणही कमी असल्याचे संशोधनातून दिसून आले आहे, ज्यामुळे हृदयविकाराचा धोका कमी होतो. व्हेज डाएटमध्ये अँटीऑक्सिडंटचे प्रमाण जास्त असल्याने हृदयविकारांपासूनही बचाव होतो. इंग्लंड आणि स्कॉटलंडमधील सुमारे 45,000 लोकांच्या खाण्याच्या सवयींवर आधारित एका वर्षाच्या संशोधनानंतर असा दावा करण्यात आला आहे की, मांसाहारी आहारापेक्षा शाकाहारी आहार हा हृदयाच्या आरोग्यासाठी अधिक फायदेशीर आहे. जर तुम्हाला तुमचे आरोग्य सुधारायचे असेल तर शाकाहार बेस्ट आहे.
अमेरिकन हार्ट असोसिएशनचे म्हणणे आहे की, अॅनिमल-बेस्ड डायटच्या तुलनेत प्लांट बेस्ड डायटमुळे हृदयविकाराचा धोका कमी होतो. प्लांट बेस्ड डाइटमुळे रक्तदाब नियंत्रणात राहतो. यामुळे हृदयविकाराचा धोका कमी होतो.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.