Vastu Tips: जगण्यासाठी पैसा हवाच, तुम्हाला पैशांची कमतरता भासत असल्यास 'हे' सोपे उपाय करून पाहा

आनंदी आणि आरामदायक आयुष्य जगण्यासाठी प्रत्येकाला पैशांची गरज असते. यासाठी आपण खूप कष्ट करत असतो पण, काही कारणांमुळे आपली पैशांची गरज पूर्ण होत नाही. त्यात अनेक अडथळे निर्माण होतात. यामागे घरातील वास्तुदोष हे एक कारण असू शकते. घरात वास्तुदोष असल्यास घराची आर्थिक स्थिती नेहमीच खराब राहते. घराची आर्थिक स्थिती (Vastu Tips for money) सुधारयाची असेल तर, घरातील वास्तुदोष देखील दूर करणे गरजेचे आहे.

आरती, समई

लक्ष्मी मातेची कृपा मिळवायची असेल तर दररोज संध्याकाळी घराच्या मुख्य प्रवेशद्वारावर आरती किंवा समई लावावी. तसेच, मुख्य दरवाजावरही आरती लावावी. वास्तुशास्त्रानुसार असे केल्याने लक्ष्मी माता प्रसन्न होते आणि घरात तिचा वास होतो.

स्वयंपाकघर

रात्री झोपण्यापूर्वी पाण्याची बादली भरून स्वयंपाकघरात ठेवा. असे केल्याने कर्जापासून मुक्ती मिळते तसेच, पैशाची समस्याही दूर होते. यासोबतच घराची आर्थिक स्थिती देखील मजबूत होते.

बादली

वास्तुशास्त्रानुसार बाथरूममध्ये ठेवलेली बादली कधीही रिकामी नसावी. बाथरुममध्ये भरलेल्या बादलीने लक्ष्मी माता प्रसन्न होते, असे मानले जाते. त्यामुळे रात्री झोपण्यापूर्वी बाथरूममध्ये पाण्याने भरलेली बादली ठेवा.