Vastu Tips For Eating Food: हिंदु धर्मात वास्तुशास्त्राला खुप मानले जाते. वास्तु नियमांचे पालन केल्यास घरात सुख-समृद्धी टिकून राहते. दुसरीकडे निष्काळजीपणामुळे वास्तू दोष आढळतात.
वास्तुदोषांमुळे आर्थिक समस्यांना सामोरे जावे लागु शकते. यासोबतच कुटुंबातील सदस्यांमध्ये वाद निर्माण होउ शकतो. यासाठी घरामध्ये वास्तु नियमांचे पालन करणे आवश्यक आहे. वास्तु तज्ज्ञांच्या मते, जेवण करतांना वास्तु नियमांचे पालन केले पाहिजे.
यामुळे घरात सुख, शांती आणि समृद्धी कायम राहते. यासोबतच माता अन्नपूर्णाही प्रसन्न होते. त्यांच्या कृपेने घरात कधीही अन्नाची कमतरता भासत नाही. चला, जाणून घेऊया हे नियम कोणते आहेत.
वास्तू तज्ञांच्या मते जेवण करतांना तुटलेल्या किंवा घाणेरड्या भांड्यांचा वापर करु नये. अशा भाड्यांचा वापर केल्याने घरात अशुभता वाढते. तसेच घरामध्ये वाद निर्माण होउ शकतात. .
वास्तूनुसार जेवण करतांना तोंड पूर्व किंवा उत्तर दिशेला असावे. दक्षिण दिशेला तोंड करून कधीच जेवण करु नये. दक्षिण दिशा पितरांची आहे. या दिशेला तोंड करून जेवण केल्यास पोटाचे विकार होउ शकतात.
जेवण देताना ताट एका हाताने धरू नये, असे वास्तुशास्त्रात सांगितले आहे. जेवणाचे ताट नेहमी दोन्ही हातांनी धरावे. यामुळे कुटुंबात प्रेम आणि आपुलकी वाढते.
जेवताना अन्नाचे ताट कधीही जमिनीवर ठेवू नका. थेट जमिनीवर बसून अन्न घेऊ नका. यासाठी चटईवर बसावे. यासोबतच ताट पाटावर ठेवूनच जेवण करावे.
वास्तु तज्ज्ञांच्या मते, बेडवर बसून कोणतेही पदार्थ खाउ नये. वास्तुशास्त्रात असे करणे अशुभ मानले जाते. यामुळे व्यक्तीच्या मनात नकारात्मकता वाढते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.