Vastu Tips For Dustbin: घराच्या 'या' दिशेला डस्टबिन ठेवल्यास जाणवेल आर्थिक चणचण

Vastu Tips For Dustbin: वास्तुशास्त्रात घरासाठी अनेक उपाय सांगितले आहेत. ज्याचा परिमाण घरातील सदस्यांवर होतो. अनेकवेळा घरातील वास्तुदोषाचा परिणाम हा व्यक्तींच्या जीवनावर होतो. सर्वांच्या घरात डस्टबिन असते. पण वास्तुनुसार डस्टबिन कोणत्या दिशेला असावी हे जाणून घेऊया.

पण घरातमध्ये असलेल्या डस्टबिनची दिशा चुकीची असेल तर वास्तुशास्त्रानुसार तुम्हाला आर्थिक संकटाना सामोरे जावे लागू शकते. घरातील सदस्यांच्या आरोग्यावर विपरित परिणाम होऊ शकतो.

• घरात कोणत्या दिशेला ठेवू नये डस्टबिन

वास्तुशास्त्रानुसार घरातली डस्टबिन कधीही ईशान्य दिशेला ठेऊ नये. घरातली डस्टबिन ईशान्य दिशेला असल्यास त्याचा घरातल्या सदस्यांना गंभीर मानसिक त्रास होऊ शकतो. कुटुंब प्रमुखाला तणावातूनही जावे लागू शकते.

घरातली डस्टबिन आग्नेय दिशेला असेल तर घरातल्या सदस्यांवर आर्थिक बोजा वाढू लागतो.

घरच्या पूर्व किंवा उत्तर दिशेला डस्टबिन असल्यास घरातल्या लोकांना निराशा ग्रासते. सदस्यांच्या विकासात अडथळा येतो. नोकरी आणि करिअरच्या चांगल्या संधीही कमी होऊ शकतात असे वास्तुशास्त्र सांगते.

• कोणत्या दिशेला डस्टबिन असावी

वास्तुशास्त्रात घरामध्ये डस्टबिन ठेवण्याची योग्य दिशा कोणती आहे हे सांगितले आहे. डस्टबिन नेहमी घराच्या नैऋत्य दिशेला किंवा वायव्य दिशेला ठेवावी. तेसच डस्टबिन उत्तर-पश्चिम दिशेलाही ठेवणे शुभ मानले जाते.

• घराबाहेर ठेवू नका डस्टबिन

वास्तुशास्त्रात सांगितल्याप्रमाणे डस्टबिन कधीही घराबाहेर ठेऊ नका. त्यापेक्षा ती नेहमी घरात ठेवावी. याशिवाय वास्तुशास्त्रात डस्टबिनसाठी नैऋत्य किंवा उत्तर-पश्चिम दिशा शुभ मानली जाते. वास्तुशास्त्रानुसार डस्टबिन उत्तर-पश्चिम दिशेला ठेवल्याने कोणताही नकारात्मक परिणाम होत नाही.