Vastu Tips For Temple: 'या' दिवशी देवघर करावे स्वच्छ; होईल आर्थिक लाभ

Vastu Tips For Temple: प्रत्येकाच्या घरात देवघर असतेच. देवघरामुळे घरात सकारात्मक ऊर्जा टिकून राहते. वास्तुदोष दूर होऊन संकटांपासून घरातील सदस्यांचे रक्षण होते.

तसेच रोज पुजा केल्याने देव-देवताही प्रसन्न होतात. जसे पुजा करण्याचे नियम आहेत तसेच देवघर स्वच्छ करण्याचे नियम आहेत. वास्तुनुसार या नियमांचे पालन केल्यास घरात सुख-समृद्धी लाभते आणि आर्थिक समस्या दूर होतात.

• या दिवशी करा देवघराची स्वच्छ

वास्तुशास्त्रामध्ये देवघर स्वच्छ करण्यासाठी शुभ आणि अशुभ दिवस सांगण्यात आले आहेत. आठवड्यातील ठराविक दिवशी देवघर स्वच्छ केल्याने घरात सुख-समृद्धी लाभते. तेसच घरातील सदस्यांना कोणत्याही समस्यांना सामोरे जावे लागणार नाही. चुकीच्या दिवशी देवघराची स्वच्छता केल्यास घरात गरिबी येऊ शकते. वास्तुनुसार रोज देवघराची स्वच्छता करून पूजा करावी.

पण शनिवारी घरातील देवघराची स्वच्छता करणे शुभ मानले जाते. असे केल्याने घरातील नकारात्मक ऊर्जा निघून जाते. घरातील नकारात्मकता आणि आर्थिक अडचणी दूर होतात. तसेच शनिवारी मंदिराची स्वच्छता केल्यानंतर गंगाजल शिंपडावे. 

• या दिवशी स्वच्छता करू नका

गुरुवार आणि एकादशीच्या दिवशी घरातील देवघराची स्वच्छता करू नका. असे केल्याने घरात गरिबी येते. अशा घरात राहणाऱ्या लोकांना अनेक समस्यांना सामोरे जावे लागते. तसेच रात्री देवघर स्वच्छ करू नये. असे केल्यास घरातील माता लक्ष्मी निघून जाते.