Valentines Day Special: वास्तुनुसार आपल्या पार्टनरला द्या खास गिफ्ट, नातं अधिक खुलेल

Vastu Tips For Valentines Day: दरवर्षी १४ फेब्रुवारी हा दिवस व्हॅलेंटाइन्स डे म्हणून साजरा केला जातो. प्रेम व्यक्त करण्याचा हा दिवस.

आज आपल्या प्रिय व्यक्तीला भेटायला जाताना काहीतरी गिफ्ट घेऊन जाणार हे नक्की, पण अशावेळेस वास्तुनुसार जर गिफ्ट नेले तर आजच्या दिवसाच्या आनंदात आणखी भर पडेल. असे काही गिफ्ट जे वास्तुनुसार शुभ असेल आणि त्याने तुमचे नातं अधिक फुलेल.  

• या रंगांची फुले

वास्तुशास्त्रानुसार व्हॅलेंटाईन डेच्या दिवशी लाल किंवा गुलाबी रंगाची फुले देणे शुभ असते. असे मानले जाते की गुलाबी आणि लाल फुले मैत्री आणि प्रेम वाढवण्यास मदत करतात.

• फुले देताना या गोष्टी लक्षात ठेवा

व्हॅलेंटाईन डेला अनेक लोक त्यांचे प्रेम व्यक्त करण्यासाठी लाल गुलाब (Red Rose) देतात. पण गुलाबाचे फूल देताना लक्षात ठेवा की त्याला काटे नसावे. काटेरी झाडे किंवा फुले भेट म्हणून दिल्याने नात्यात तणाव निर्माण होउ शकतो.

• लाफिंग बुद्ध

व्हॅलेंटाईन डेला तुम्ही तुमच्या जोडीदाराला लाफिंग बुद्धाची मूर्तीही गिफ्ट म्हणून देऊ शकता. वास्तुशास्त्रात (Vastu Tips) लाफिंग बुद्धाला खूप शुभ मानले जाते. ही मूर्ती तुमच्या आणि तुमच्या जोडीदाराच्या आयुष्यात आनंद, समृद्धी आणि सकारात्मक ऊर्जा घेऊन येईल.

• बांबू वनस्पती

वास्तुशास्त्रात बांबूला शुभ मानले जाते. हे प्रगती आणि समृद्धीचे प्रतीक देखील मानले जाते. जर तुम्ही तुमच्या जोडीदाराला बांबूचे रोप गिफ्ट केले तर तुमच्या नात्यात कायम राहिल.

• गिफ्ट देताना रॅप पेपरचा रंगही योग्य निवडावा

वास्तूनुसार व्हॅलेंटाइन डेच्या दिवशी जोडीदाराला गिफ्ट देण्यासाठी वापरण्यात येणाऱ्या कागदाचा रंगही नातेसंबंधावर परिणाम करतो. यामुळे या खास प्रसंगी गिफ्ट निळ्या, काळ्या किंवा पांढऱ्या रंगाच्या कागदाने गुंडाळू नका. सोनेरी, लाल, गुलाबी, पिवळा यासारख्या रंगांचा वापर करावा.