Travel Music Playlist: 'ही' बॉलिवूड गाणी प्रवासाचा आनंद करतील द्विगुणित

Travel Music Playlist: गाण्यांशिवाय प्रवास करणे खुपच कंटाळवाणे आहे. हे केवळ प्रवासाची आवड असणारे लोकच समजू शकतात. अनेकांना प्रवासात गाणी ऐकायला आवडतात म्हणून ते खास गाणी डाऊनलोड करून सोबत घेऊन जातात.

कारण प्रवासात नेटवर्क प्रॉब्लेममुळे गाणं वाजणं बंद होते. असं झालं की सगळी मजाच निघूण जाते. त्यामुळे लोक त्यांच्या प्लेलिस्टसाठी वेगवेगळी गाणी डाउनलोड करतात. अशीच काही बॉलिवुड गाणी आहेत जी तुमचा प्रवास आणखी मजेशीर करतील.

• पटाखा गुड्डी

'हायवे' चित्रपटातील पटाखा गुड्डी हे गाणंही तुमचा प्रवास मजेशीर बनवेल. हे गाणं तुम्हाला खरी रोड ट्रिप काय असते याचे उत्तम उदाहरण देईल. यामुळे तुमच्या प्लेलिस्टमध्ये हे गाणं नक्की अॅड करा.  

• तू है के नहीं

'रॉय' चित्रपटातील हे गाणं सर्वांनाच आवडते. या गाण्यात तुम्हाला रणबीर कपूर बाइकवरून प्रवास करताना दिसतो. जर तुम्ही एका शांत आणि निसर्गरम्य रस्त्यांवरून प्रवास करत असाल आणि तर तुम्ही हे गाणं ऐकावं. हे गाणं तुमच्या प्लेलिस्टमध्ये असलेच पाहिजे.

• ओ गुजरिया

कंगनाचा 'ओ गुजरिया' हा चित्रपटही मजेशीर, आनंदी प्रवासाठी चांगला आहे. तुम्ही प्रवास करत असाल, तर तुम्ही फक्त आनंदी गाणी सिलेक्ट कराल याची काळजी घ्यावी. स्लो मोशन आणि कमी संगीत असलेली गाणी निवडली तर प्रवास कंटाळवाणा होऊ लागतो. 

• इलाही

'ये जवानी है दिवानी' या चित्रपटातील इलाही हे गाणं तुमचा प्रवास आणखीनच रोमांचक करेल. कारण हे गाणे तुम्हाला रिफ्रेश करतं. तुम्ही ट्रेनने प्रवास करत असाल किंवा तुमच्या स्वतःच्या कारमधून हे गाणं तुम्हाला प्रत्येक प्रकारच्या प्रवासाठी फ्रेश ठेवण्यास मदत करेल. 

• यूं ही चला चल

स्वदेश चित्रपटातील या गाण्यावर तुम्हाला खरोखरच नाचायला आवडेल. मजेदार गाणी ऐकताना सुंदर दृश्यांचा आनंद घेतला तर प्रवासाची मजा द्विगुणित होते.