Valentines Day 2022: Hug Day फेब्रुवारी महिन्याला प्रेमाचा महिना म्हणतात. कारण याच महिन्यात व्हॅलेंटाईन वीक साजरा केला जातो. या आठवड्याच्या प्रत्येक दिवसात काहीतरी खास असते. 7 फेब्रुवारी ते 14 फेब्रुवारी पर्यंतचा हा पुर्ण आठवडा रोज प्रेम करणाऱ्यांसाठी विशेष असतो. त्याच वेळी, या आठवड्यातील एक दिवस म्हणजे हग डे आहे. दरवर्षी 12 फेब्रुवारी रोजी हग डे साजरा केला जातो. या दिवशी प्रेम व्यक्त करण्यासाठी जोडीदाराला मिठी (Hug Day) मारल्याने तुम्हाला दिलासा मिळू शकतो. पण तुम्हाला माहित आहे का की तुमच्या जोडीदाराला 20 सेकंद मिठी मारल्याने काय होवू शकतं. मिठी मारण्याचे मानसिक, शारिरीक काय फायदे आहेत हे जाणून घेवूया...
जोडीदाराला रोज मिठी मारा- एक सुखद मिठी आपला मानसिक तणाव कमी करण्याबरोबरच आपली चिंता देखील कमी करते. जोडीदाराला 20 सेकंद मिठी मारल्याने शरीरात बरेच बदल दिसून येतात.
स्ट्रेस लेवल कमी करते- तुमच्या जोडीदाराला मिठी मारल्याने तणाव कमी होऊ शकतो. जसा तुमचा ताण कमी होतो, तसाच तुमचा मूडही ठिक होतो.
ब्लड प्रेशर कमी होते - तुम्हाला माहित आहे का की 10 मिनिटे हात धरण्यापासून ते 20 सेकंद मिठी मारण्यापर्यंत तुमच्या रक्तदाबाची पातळी लक्षणीयरीत्या कमी होते. म्हणूनच मिठी मारणे हे जितके रोमँटिक आहे तेवढेच ते हृदयाच्या आरोग्यासाठी चांगले असते.
शरीरातील वेदना कमी होतात - जर तुम्हाला कुठेतरी वेदना होत असेल तर तुमच्या जोडीदाराला मिठी मारल्याने खूप आराम मिळतो. कारण मिठी मारल्याने तुमच्या शरीरात असे हार्मोन्स तयार होतात, जे वेदना कमी करण्याचे काम करते.
भीती कमी करते - एखाद्याला मिठी मारल्याने तुमची भीती खूप कमी होते. घाबरलेल्या अवस्थेत आपण एखाद्याला मिठी मारल्यास आपल्याला दिलासा मिळतो. मनात किंवा डोक्यात सुरू असलेल्या विचारांच चक्र थांबत. आणि एखाद्या वाईट प्रसंगातून बाहेर निघण्याचा मार्ग एका मिठीतून मिळतो.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.