सप्तरंगी सरड्याच्या मनमोहक आदा !

रंग बदलणारा सरडा (Lizard) तुम्ही पाहिला असेलच पण तो किती वेळा रंग बदलतो हे पाहिले का ? अशाच एका रंगबदलू सरड्याचा व्हिडिओ (Video) सद्या खूप व्हयरल होत आहे. हा सरडा एक नाही, दोन नाही, तीन नाही तर चक्क 7 ते 8 वेळा रंग बदलताना दिसत आहे. वाईल्ड लाईफशी (Wildlife) निगडीत असे अनेक व्हिडिओ व्हायरल होत असतात. त्यातीलच हा एक व्हिडिओ आहे. यातून प्राण्यांच्या विविध छटा जवळून पाहण्याची संधी अनेकांना मिळते.

हा सप्तरंगी सरडा त्याच्या वेगवेगळ्या रंगात खूप सुंदर दिसतो. निसर्गाची ही किमयाची जवळून पाहण्याचा आनंद फार थोड्या जणांना मिळतो. परंतु आज सोशल मिडियाच्या माध्यमातून या नैसर्गिक कलाकृतीचा अनुभव आपल्याला सुखाऊन जातो. आयपीएस ऑफिसर रुपिन शर्मा यांनी आपल्या ट्विटर अकाउंटवरुन शेअर केला आहे. त्यात हा सरडा दोन मिनिटात तब्बल 7 ते 8 वेळा रंग बदलताना दिसतो.

यामध्ये हा सरडा हिरवा, निळा, गुलाबी, केशरी, पिवळा आदी विविध रंगात आपल्याला दिसत आहे. हा व्हिडिओ पाहून तुम्हाला आश्चर्य नक्कीच वाटेल. हा व्हिडिओ बंगळूरमधील विक्रम पोनप्पा यांनी कॅमेरात कैद केला आहे.