शनिवार 30 एप्रिल रोजी हे ग्रहण होणार आहे, जे 2022 सालातील पहिले सूर्यग्रहण असेल. हे सूर्यग्रहण 30 तारखेच्या रात्री होणार असून ते 1 मे रोजी संपणार आहे. ही खगोलीय घटना असली तरी वैदिक ज्योतिषशास्त्रात ही घटना अत्यंत महत्त्वाची मानली जाते. यानुसार जेव्हा राहू सूर्यावर आदळतो तेव्हा सूर्यग्रहण होते. वैदिक ज्योतिष शास्त्रानुसार, जेव्हा सूर्यावर ग्रहण असते तेव्हा सूर्य खूप त्रासदायक स्थितीत असतो, ज्याचा परिणाम सर्व मानवजातीवर होतो. (solar eclipse on april 30 find out where when and how are)
ज्योतिषशास्त्रानुसार सूर्यग्रहण आणि शनि अमावस्या एकाच दिवशी पडणे अत्यंत शुभ मानले जाते. लक्षणीय बाब म्हणजे अनेक वर्षांनी हा योगायोग घडत आहे. हा संयोग सर्व 12 राशींवर परिणाम करणारा ठरणार आहे. हे ग्रहण मध्यरात्री 12.15 पासून सुरू होईल आणि पहाटे 04.07 पर्यंत असणार आहे.
सूर्यग्रहण कोठे दिसेल - हे सूर्यग्रहण अंटार्क्टिका व्यतिरिक्त अटलांटिक प्रदेश, प्रशांत महासागर आणि दक्षिण अमेरिकेच्या दक्षिण पश्चिम भागात दिसणार आहे. हे ग्रहण भारतात दिसणार नाही, त्यामुळे या ग्रहणाचा धार्मिक परिणाम भारतात विचारात घेतला जाणार नाही आणि उपासनेत कोणत्याही बंधनांचा विचार केला जाणार नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
