Stomach Pain: 'या' अनहेल्दी फूड कॉम्बिनेशन्समुळे पोटदुखी अन् गॅसची समस्या वाढते, करा घरगुती उपाय

stomach pain bad food combination cause of stomach pain gas try home remedies

तुमच्या काही खाण्याच्या चुकीच्या सवयींमुळे पोटदुखी, गॅस आणि सुज येणे यासारख्या समस्या उद्भवू शकतात. आजकाल अनेकांना गॅसचा त्रास होतो. अवेळी काहीही पदार्थ खाल्ल्याने गॅसची समस्या उद्भवते. असे अनेक पदार्थ आहेत जे एकत्र खाल्ल्याने पोटात तीव्र गॅस तयार होतो. अशावेळी ते खाणे टाळावे. जर गॅसची समस्या असेल तर ते टाळण्यासाठी लोक औषधांची मदत घेतात. पण तुम्ही गॅसची समस्या कमी करण्यासाठी काही घरगुती उपाय नक्की करू शकता.

दुध आणि ब्रेड

अनेक लोक दुधासोबत ब्रेड खातात. हे कॉम्बिनेशन आरोग्यासाठी घातक आहे. कारण यामुळे पोटांसंबधित समस्या जसे की गॅस आणि पोट दुखीची समस्या वाढू शकते.

पास्ता, नुडल्स आणि फळं

ब्रेड, तृणधान्ये, नूडल्स, पास्ता यासारखे पिष्टमय पदार्थ असलेली फळे खाणे आरोग्यासाठी धोकादायक ठरू शकते. असे फूड कॉम्बिनेशन खाल्ल्याने पचनासंबंधित समस्या वाढू शकतात. फळ लवकर पचतात. त्यामुळे गॅसची समस्या निर्माण होऊ शकते.

• घरगुती उपाय

पोटातील गॅसची समस्या कमी करण्यासाठी जिऱ्याचे पाणी फायदेशीर आहे. जिरे पाणी बनवण्यासाठी एक ग्लास पाण्यात एक चमचा जिरं पावडर टाकून ते उकळून गाळून प्यावे.

ओव्याचे पाणी प्यायल्याने गॅसपासूनही आराम मिळतो. यासाठी पाण्यात ओवा टाकून उकळा. फक्त ओवा चघळणे देखील फायदेशीर आहे.

पोटात गॅस तयार होत असल्यास आलं आणि लिंबाचा रस मिसळून प्यायल्यानेही फायदा होतो. दोन्ही एकत्र प्यायल्याने गॅसपासून आराम मिळतो.

याशिवाय एका जागी बसल्यानेही गॅस होऊ शकतो. अशा परिस्थितीत अन्न खाल्ल्यानंतर फेरफटका मारणे चांगले. जेवल्यानंतर थोडं चालायला हवं