Surya Grahan 2023: शक्ती उपासनेचा महान सण शारदीय नवरात्री 15 ऑक्टोबरपासून सुरू होत आहे. नवरात्रोत्सवादरम्यान, दुर्गा देवीच्या 9 वेगवेगळ्या रूपांची सलग 9 दिवस पूजा केली जाते. नवरात्रीच्या पहिल्या दिवशी कलशाची स्थापना केली जाते.
पण या वर्षी शारदीय नवरात्री सुरू होण्याच्या एक दिवस आधी म्हणजेच 14 ऑक्टोबरला वर्षातील शेवटचे सूर्यग्रहणही होणार आहे. हे सूर्यग्रहण अश्विन महिन्यातील अमावास्येला होणार आहे. मात्र हे सूर्यग्रहण भारतात दिसणार नाही.
भारतात सूर्यग्रहण नसल्यामुळे त्याचा सुतक कालावधी वैध राहणार नाही. भारतीय वेळेनुसार, 14 ऑक्टोबर रोजी रात्री 8:30 वाजता सुरू होईल आणि पहाटे 2:25 वाजता संपेल. वर्षातील हे शेवटचे सूर्यग्रहण अमेरिका आणि आफ्रिकेच्या काही भागांमध्ये दिसणार आहे.
ग्रहणाबाबत अनेक प्रकारच्या समजुती आहेत. धार्मिक मान्यतेनुसार ज्या ठिकाणी सूर्यग्रहण दिसतं, तिथे सुतक कालावधी ग्रहण सुरू होण्याच्या 12 तास आधी सुरू होतो. सुतक काळ शुभ मानला जात नाही.
सुतक काळात कोणतेही शुभ कार्य करण्यास मनाई आहे. 14 ऑक्टोबर रोजी होणारे सूर्यग्रहण भारतात दिसणार नाही. या कारणास्तव सुतक कालावधी भारतात वैध राहणार नाही.
धार्मिक दृष्टिकोनातून सुतक काळ शुभ मानला जात नाही. ग्रहणाच्या आधी सुतक कालावधी सुरू होतो. या काळात पूजा, नवीन कार्याचा शुभारंभ, गृहप्रवेश, मुंडन, लग्न असे शुभ विधी केले जात नाहीत.
हिंदू मान्यतेनुसार सूर्यग्रहण नेहमी अमावस्या तिथीला होते तर चंद्रग्रहण नेहमी पौर्णिमा तिथीला होते.
ग्रहणाची मान्यता राहूशी संबंधित मानली जाते. ज्यामध्ये राहू सूर्य आणि चंद्र ग्रहण करतो तेव्हा त्याला ग्रहण म्हणतात.
जेव्हा सूर्य, पृथ्वी आणि चंद्र हे तिघेही एका सरळ रेषेत राहतात आणि चंद्र पृथ्वी आणि सूर्याच्या मध्ये येतो. यामुळे सूर्याचा आंशिक किंवा पूर्ण प्रकाश पृथ्वीपर्यंत पोहोचत नाही आणि या घटनेला सूर्यग्रहण म्हणतात.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.