झोपेच्या कमतरतेमुळे व्यक्ती अनेक धोकादायक आजारांना बळी पडू शकते. जर तुम्हालाही झोप न येण्यासारखी समस्या असेल, तर तुम्ही एकदा तुमच्या ताटात दिल्या जाणाऱ्या गोष्टी जरूर बघा, कारण खाण्यापिण्याचा तुमच्या झोपेवर मोठा परिणाम होतो. म्हणूनच खाण्यापिण्याच्या सवयींकडे लक्ष देणे खूप गरजेचे आहे.
उत्तम आरोग्यासाठी झोप आवश्यक आहे
चांगल्या आरोग्याचा झोपेशी जवळचा संबंध आहे. झोपेच्या कमतरतेमुळे व्यक्ती अनेक धोकादायक आजारांना बळी पडू शकते. यामध्ये हृदयविकार, कमकुवत प्रतिकारशक्ती, स्तनाच्या कर्करोगाचा धोका, नैराश्य यासारख्या समस्यांचा समावेश आहे. त्यामुळे झोपण्यापूर्वी अनारोग्यकारक पदार्थ खाणे टाळावे.
रात्री झोपण्यापूर्वी या गोष्टींचे सेवन करू नका
1. कॅफिनयुक्त पेये
रात्री जेवताना कांदे किंवा टोमॅटो यांसारख्या पदार्थांसह अल्कोहोल आणि कॅफिनचा वापर टाळला पाहिजे. आपण हे देखील लक्षात ठेवले पाहिजे की कॅफीन, जे झोपण्याच्या पद्धतीवर परिणाम करते, अनेक प्रकारच्या खाद्यपदार्थ आणि पेयांमध्ये आढळते. चहा, कॉफी आणि विविध शीतपेयांमध्ये कॅफिन आढळते. हे चॉकलेट आणि वेदना निवारकांमध्ये देखील आढळू शकते. त्यामुळे रात्री झोपण्यापूर्वी या गोष्टींचे सेवन टाळा.
2. टोमॅटो
तुम्हाला माहित आहे का, की झोपण्यापूर्वी टोमॅटो खाणे देखील चांगले नसते. कारण टोमॅटोमुळे ऍसिड रिफ्लक्स होऊ शकतो आणि पचनाशी संबंधित समस्या वाढू शकतात. एका अहवालानुसार, रात्री टोमॅटोचे सेवन केल्याने अस्वस्थता वाढते आणि नंतर तुम्हाला पुरेशी आणि शांत झोप मिळण्याची शक्यता फारच कमी असते.
3. कांदे
टोमॅटो व्यतिरिक्त, कांदादेखील अशीच एक गोष्ट आहे, जी तुमच्या पचनसंस्थेला त्रास देऊ शकते. कांदा पोटात गॅस बनवण्याचे काम करतो. या वायूचा तुमच्या पोटाच्या दाबावर परिणाम होतो, त्यामुळे अॅसिड घशाच्या दिशेने जाते. विशेषतः जेव्हा तुम्ही सरळ झोपता. आश्चर्याची गोष्ट म्हणजे कच्चा किंवा शिजवलेला दोन्ही कांदे अशा समस्यांना कारणीभूत ठरू शकतात. त्यामुळे रात्री झोपण्यापूर्वी कांद्याचे सेवन शक्यतो टाळावे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
