Sugar Scrub For Skin: चेहऱ्याची चमक कायम ठेवण्यासाठी वापरा साखरेचे 'हे' 4 स्क्रब

skin care tips sugar how to make sugar scrub for glowing skin

आजकालच्या धावपळीच्या जीवनात त्वचेकडे लक्ष देणं होत नाही. यामुळे त्वचा निस्तेज दिसू लागते. बदलत्या ऋतूमध्ये त्वचेची खास काळजी घेणे गरजेचे असते.

बदलत्या ऋतूमध्ये त्वचेची काळजी न घेतल्यास त्वचा कोरडी आणि निस्तेज दिसू लागते. अनेक लोक आपला चेहरा चमकदार दिसण्यासाठी विविध प्रकारचे महागडे प्रोडक्ट वापरतात. परंतु काहीवेळा त्याचा परिणाम फार काळ दिसून येत नाही. या प्रोडक्टमध्ये असलेले घटक काहीवेळा त्वचेला फायदे देण्याऐवजी नुकसान करतात.

यामुळे तुम्हाला साखरेपासून काही खास प्रकारचे स्क्रब घरच्या घरी कसे बनवायचे हे जाणून घेऊया. जास्त पैसे खर्च न करता तुमची त्वचाही घरच्या घरी चमकू शकेल.

लिंबू आणि साखर

लिंबू त्वचेशी संबंधित अनेक समस्या दूर करण्यास मदत करते. यामुळे टॅनिंगची समस्या कमी होते. हे स्क्रब बनवण्यासाठा एका भांड्यात साखर टाकून त्यात लिंबाचा रस मिक्स करावा. त्यात थोडे मध टाकावे. हे मिश्रण चेहऱ्यावर लावून मसाज करा आणि स्वच्छ पाण्याने धुवावे.

टोमॅटो आणि साखर

टोमॅटो आणि साखर मिक्स करून तुम्ही चेहऱ्यावर चमक वाढवू शकता. यासाठी अर्धे टोमॅटो घ्या, त्यावर साखर टाका आणि चेहऱ्यावर मसाज करा.नंतर स्वच्छ पाण्याने धुवावे.

ग्रीन टी आणि साखर

ग्रीन टीमध्ये अनेक प्रकारचे घटक आढळतात. जे त्वचेला चमकदार बनवण्यास मदत करतात. या स्क्रबमुळे चेहऱ्यावरील पिंपल्सची समस्याही दूर होते. हे करण्यासाठी एका छोट्या भांड्यात ग्रीन टी घ्या, त्यात एक चमचा साखर घाला. आता या पेस्टने चेहऱ्याला मसाज करा आणि ५ ते १० मिनिटांनी पाण्याने चेहरा धुवा.

हळद आणि साखर

हळद त्वचेच्या अनेक समस्या दूर करण्यासाठी खूप फायदेशीर ठरते. हे स्क्रब तयार करण्यासाठी सर्वात पहिले एका भांड्यात एक चमचा हळद घ्या आणि त्यात एक चमचा मध आणि साखर मिक्स करा.नंतर चेहऱ्यावर हलक्या हाताने मसाज करा आणि कोमट पाण्याने धुवा.

केळी आणि साखर

चेहऱ्यावरची चमक वाढवण्यासाठी तुम्ही केळी आणि साखर मिक्स करून लावू शकता. यामुळे तुमच्या चेहऱ्यावर नैसर्गिक चमक येईल. यासाठी पिकलेली केळी आणि साखर मिक्स करावी. हलक्या हाताने चेहऱ्यावर मसाज करावी. नंतर पाण्याने चेहरा स्वच्छ धुवावा.