Skin Care Mistakes: 'या' 5 चुकांमुळे होऊ शकते त्वचेचे नुकसान

Skin Care Mistakes: अनेक वेळा डेली रूटीनमधल्या छोट्या चुकांमुळे त्वचा खराब होऊ शकते. चमकदार त्वचेसाठी काही गोष्टींची काळजी घेणे गरजेचे आहे.चला तर मग जाणून घेऊया त्वचेची काळजी कशी घ्यावी.

जे लोक अनहेल्दी पदार्थांचे सेवन करतात, त्याच्या त्वचेवर याचे परिणाम अधिक दिसून येतात. साखर, प्रोसेस केलेले पदार्थ, फास्ट फुड या सारख्या पदार्थांचे सेवन केल्याने चेहऱ्यावर पिंपल येतात

चेहऱ्याची त्वचा खुप कोमल असते. यामुळे स्क्रब करताना काळजी घ्यावी. चेहऱ्यावर स्क्रब करताना जास्त दाब देऊन करू नये. यामुळे त्वचेवरील छिद्रे मोकळे होऊन त्यात घाण साचु शकते. तसेच त्वाचा काळी पडते. यामुळे स्क्रब जास्त वेळ करणे टाळावे.

चमकदार त्वचा हवी असेल तर पुरेशी झोप घेणे देखील महत्वाचे आहे. कारण 7 ते 8 तासाची पुरेसी झोप ही तुम्हाला फ्रेश तर ठेवते पण त्वचा देखील उजळ करण्यास मदत करते. पुरेशी झोप घेतल्याने तुम्हाला थकवा जाणवत नाही. याचा परिणामी तुमच्या चेहऱ्यावर दिसतो.

जेव्हा तुम्ही मेकअप करून घराबाहेर पडता तेव्हा धुळामुळे त्वचा खराब होऊ शकते. यामुळे जेव्हा पण तुम्ही उन्हात घराबाहेर पडता तेव्हा सनस्क्रिन लावायला विसरू नका. यामुळे तुमच्या त्वचेचे उन्हाच्या अतिनील किरणांपासून रक्षण होते.

रात्री झोपतांना चेहऱ्यावरचा मेकअप रिमुव्ह करूनच झोपावे. अन्यथा तुमची त्वचा खराब होऊ शकते. मेकअप न काढता झोपल्यास त्वचेवरील छिद्रे बंद होतात आणि पिंपल्सची समस्या वाढते. यामुळे त्वचेला ऑक्सीजन मिळत नाही. यामुळे त्वचेवरील चमक कमी होते.